Qeveria e mëparshme ka lëshuar 370 leje koncesionare për ndërtimin e 440 hidrocentraleve në të gjithë vendin, por deri më tani as gjysma e këtyre veprave nuk ka arritur që të nisë punimet.

Qëllimi i qeverisë shqiptare ka qenë arritja e prodhimit vendas prej 6 miliardë kilovatorësh në vit, por pjesa më e madhe e kompanive që kanë përfituar leje për ndërtimin e hidrocentraleve nuk kanë kapacitetet financiare për të shlyer detyrimin e ndërmarrë.