POP 5

Lajmet më të lexuara të 5 minutave të fundit

Sport

Aksionet e KF Tiranës dalin në ankand, shkak borxhet! Përmbaruesi për Report TV: S’ka të interesuar

Aksionet e familjes Halili te klubi i KF Tiranës kanë dalë në shitje për shkak të borxheve ndaj kreditorit. 66% të aksioneve mund të blihen për rreth 1.6 milionë euro, ndërsa deri më tani nuk ka pasur të interesuar për blerjen e tyre.

66% të aksioneve të klubit të Tiranës, që zotërohen nga familja Halili, kanë dalë në shitje. Shoqëria përmbaruese që më herët kishte vendosur sekuestron konservative të aksioneve ka njoftuar hapjen e ankandit për shitjen e aksioneve të klubit, ofertat për të cilat mund të paraqiten deri ditën e hënë më 22 prill.

Ankandi i 66% të aksioneve të Tiranës nis për rreth 161 milionë lekë, ose afërsisht 1.6 milionë euro. Një shumë që vërtitet rreth borxhit që është përfolur më herët për klubin e Tiranës që i detyrohet kreditorit Abedin Treza, i cili njihet ndryshe edhe me mbiemrin Preza.

Për Report TV shoqëria përmbaruese ‘Albase Sh.p.k konfirmoi lajmin e nxjerrjes në shitje të aksioneve, ndërsa gjithashtu bëri të ditur se deri më tani nuk ka pasur asnjë të interesuar për blerjen e aksioneve përveç kreditorit Preza.

Familja Halili, me president Refik Halilin, mori zotërimin e aksioneve në vitin 2014, ndërsa pjesa tjetër prej 34% zotërohet nga bashkia e Tiranës.  Përveç problemeve me Prezën, KF Tirana vitet e fundit ka humbur edhe disa gjyqe me palë të tjera të treta si futbollistë apo trajnerë, pasi u detyrohet paga të prapambetura.

Gjithashtu pak ditë më parë komisioni i disiplinës paralajmëroi klubin e Tiranës të shlyente trajnerin Orges Shehi, pasi në të kundërt rrezikon zbritje pikësh. Gjithashtu për këto situata Tirana e ka merkaton e bllokuar deri në verën e vitit 2025.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 1 Prill, 10:16

    A e keni vendosur se për kë do të votoni më 11 maj?

Lajme të tjera



×

Lajmi i fundit

Tarifat doganore/ Britania e Madhe synon të arrijë marrëveshje me Trump! Vijnë reagimet e para nga BE

Tarifat doganore/ Britania e Madhe synon të arrijë marrëveshje me Trump! Vijnë reagimet e para nga BE

3 Prill, 00:09