POP 5

Lajmet më të lexuara të 5 minutave të fundit

Ekonomi

Borxhet ndaj kompanive, nga Prilli
shlyen 35 mln dollarë çdo javë

Qeveria shqiptare do të paguajë 350 milionë dollarë vlerë e borxheve, afërsisht gjysma e borxhit të saj për bizneset, në tre muajt e ardhshëm. Ministri Cani: Nga muaji prill çdo javë jepen 35 milionë dollarë për kompanitë.
Borxhet ndaj kompanive, nga Prilli<br />shlyen 35 mln dollarë çdo javë
TIRANË - Qeveria shqiptare do të paguajë 350 milionë dollarë vlerë të borxheve, afërsisht gjysma e borxhit të saj për bizneset, në tre muajt e ardhshëm në shpresën e inkurajimit të rritjes ekonomike. Deklarata është bërë sot nga ministri i Financave Shkëlqim Cani.
 
Duke folur për agjencinë Reuters, Cani tha se, borxhi i qeverisë për bizneset arrin në $ 720 miliona dollarë dhe daton që nga vitit 2005. Ky borxh është i barabartë me 5.3 për qind të Prodhimit të Brendshëm Bruto.
 
Pjesa më e madhe e këtij borxhi është ndaj kompanive që kanë punuar në ndërtimim e e rrugëve, shkollave ​​dhe spitaleve. Ministri Cani ka deklaruar se, ritmi i pagesave tani do të jetë rreth 35 milion $ çdo javë, duke filluar nga muaji prill. Ndërkaq pjesa e mbetur prej 370 milionë dollarëshe do të paguhet në vitet e ardhshme.
 
Ministri Cani ka deklaruar se, qeveria Rama është e vendosur të miratojë një fond 3-vjeçar prej 455.9 milionë dollarë, që është një marrëveshje kredie me Fondin Monetar Ndërkombëtar (FMN).
 
Ai ka thënë Shqipëria është duke pritur për kredi të tjera të huaja këtë vit. Kredia e FMN do të pasohet nga 200 milion dollarë që është një financim nga Banka Botërore dhe do nisë në maj. Shqipëria gjithashtu është duke negociuar një kredi prej 68.9 milionë dollarësh edhe me Komisionin Evropian.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51