POP 5

Lajmet më të lexuara të 5 minutave të fundit

Ekonomi

Borxhi i Shtetit,
konsultime me bankat

Nga miratimi i strategjisë për shlyerjen e detyrimeve të prapambetura, nuk do të jenë vetëm sipërmarrjet, të cilat do të përfitojnë.
Borxhi i Shtetit,<br />konsultime me bankat
TIRANE- Nga miratimi i strategjisë për shlyerjen e detyrimeve të prapambetura, nuk do të jenë vetëm sipërmarrjet, të cilat do të përfitojnë. Gjithashtu, do të përfitojnë edhe bankat, të cilat janë në vështirësi nga kreditë me problem (NPL). Kështu deklaroi dje ministri Cani, përpara drejtuesve të bankave. Shqipëria është një nga vendet me nivelin më të lartë të kredive të këqija, duke tejkaluar shifrën 25%. Kjo do të thotë se 1 në 4 kredi ka një mundësi të lartë, që të mos shlyhet nga kredimarrësit. Kjo për shkak të mungesës së kreditimit.
 
Takimi
Në mënyrë që të hartohet një strategji sa më efikase, për sa i përket kesaj problematike të ekonomisë së vendit, kreu i Finacave, Shkëlqim Cani, zhvilloi ditën e djeshme një takim me krerët e bankave në Shqipëri dhe i ftoi ata të bashkëpunonin për të arritur në një strategji të përbashkët efikase. Ministri Cani, priti në ambjentet e dikasterit, që ai drejton, drejtuesit e bankave të Shqipërisë. Në diskutim u trajtuan çështjet që lidhen me kreditë me problem (NPL), për mënyrën e pagesës së përmbaruesve për ekzekutim të kolateralit, ndryshimet në ligj për trajtimin fiskal të heqjes së NPL-ve nga bilanci, për kreditimin e ekonomisë, për ndikimi që do të japë shlyerja e detyrimeve të prapambetura në ekonomi, si edhe kreditimin e ekonomisë.
 
Bankat
Gjatë këtij takimi, nga ana e tyre, përfaqësuesit e bankave u shprehën optimistë se, nisma e Qeverisë për të shlyer detyrimet e prapambetura, do t’i jepte ekonomisë shqiptare një frymarrje. Gjithashtu, ata shprehën optimizëm për nënshkrimin e marrëveshjes së Qeverisë me FMN-në, duke theksuar se kjo tregon një rritje të besimit kundrejt ekonomisë së vendit. 
 
Veprimtaria
Puna kryesore e Ministrisë së Finacave po përqendrohet në shlyerjen e detyrimeve ndaj kompanive, të cilat janë kontraktuar nga Qeveria, për të kryer punë publike dhe shërbime. Në kuadër të këtij procesi, pritet që nga muaji mars i këtij viti, Fondi Ndërkombëtar Monetar (FMN) të nënshkruajë marrëveshjen me Qeverinë për dhenien e një huaje prej 350 milionë USD, të cilat kryesisht do të përdoren për shlyerjen e detyrimeve ndaj sipërmarrjeve.
 

Shkrimi u publikua sot (13.02.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

E rëndë në SHBA, vriten me armë zjarri brenda shtëpisë çifti i shqiptarëve

E rëndë në SHBA, vriten me armë zjarri brenda shtëpisë çifti i shqiptarëve

29 Nëntor, 16:37