POP 5

Lajmet më të lexuara të 5 minutave të fundit

Ekonomi

Borxhi publik, mazhoranca
miraton e vetme, hiqet kufiri ligjo

Komisioni i Ekonomisë në Kuvend ka dhënë dje dritën jeshile, vetëm me votat e mazhorancës, për heqjen e kufirit të parashikuar me ligj të raportit borxh publik/PBB në masën 60 për qind
Borxhi publik, mazhoranca <br />miraton e vetme, hiqet kufiri ligjo
TIRANE - Pavarësisht nga kundërshtimet e opozitës dhe paralajmërimet e shumta të ndërkombëtarëve, qeveria solli në Kuvendin e Shqipërisë propozimin për ndryshimin në ligjin organik të Buxhetit të Shtetit, që parashikon një raport midis borxhit publik në total të vendit me Prodhimin e tij Bruto në kuotën e 60 përqindëve. Sipas projektligjit qeveritar, ky kufi nuk modifikohet në një shifër më të lartë, por thjesht hiqet, duke i dhënë mundësi Ekzekutivit të marrë kredi pa asnjë problem ligjor dhe pa pyetur parlamentin për një gjë të tillë.

Propozimi i qeverisë parashikon shfuqizimin e paragrafit të fundit të nenit 58 të ligjit për menaxhimin e sistemit buxhetor, ku përcaktohet se niveli i borxhit nuk duhet të jetë më i lartë se 60 për qind. Miratimi i heqjes së kufirit ligjor të borxhit mund të bëhet me shumicë të thjeshtë nga mazhoranca, çka nënkupton se konsensusi parlamentar nuk është një domosdoshmëri. Që pa marrë miratimin e parlamentit, në fakt, në projektbuxhetin e vitit të ardhshëm parashikohet që borxhi të rritet deri në nivelin e 62.6% të Prodhimit të Brendshëm Bruto. Ndërkohë, zv.ministri i Financave Nezir Haldeda, i pranishëm në seancë, vuri në dukje se që këtë vit parashikohet që borxhi të arrijë në 60.5 për qind.

Deputetët e opozitës janë shprehur kundër këtij ndryshimi për nivelin e borxhit publik, duke e cilësuar atë si të rrezikshëm.
Nënkryetare e këtij komisioni, Mimi Kodheli, kërkoi që qeveria të jetë më transparente në menaxhimin e tij, sidomos për borxhin që u ka kompanive private. Ndërsa deputeti Arben Malaj tha se problem më i madh i këtij ndryshimi është se s'ka kufij për nivelin e borxhit, si dhe s'ka strategji të qartë për menaxhimin e tij. Haldedaj e argumentoi heqjen e tavanit të borxhit publik me stimulimin e rritjes ekonomike, si dhe për garancitë që duhen për importin e energjisë, pasi sipas tij, ky sektor përbën rrezik për buxhetin.

Borxhet e ndërsjellta që operatorët ekonomikë në fushën e energjisë elektrike i kanë njeri-tjetrit, bankave apo qeverisë për garancitë e paguara aktualisht janë sa 2 për qind e PBB-së, duke u kthyer në një "minë me sahat". Ka qenë vetë kreu i Financave, Ridvan Bode, i cili, gjatë prezantimit të projektbuxhetit 2013, ka deklaruar se Korporata Elektroenergjetike Shqiptare nuk merr dot më kredi nga bankat, si pasojë e situatës së saj financiare të vështirë dhe një gjë e tillë mund të arrihet vetëm në rast se qeveria jep garanci për institucionet kredituese.

Shkrimi u botua në numrin e sotëm të së përditshmes SHQIPTARJA.com

(Gre.M/Shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54