POP 5

Lajmet më të lexuara të 5 minutave të fundit

Ekonomi

Borxhi publik, Qeveria planifikon uljen me 6.5% deri në 2026! Rrezikohet nga interesat e kursi i këmbimit! 'Financat': Orientojmë huamarrjen në tregun vendas

Objektivi i qeverisë për të ulur borxhin publik që nga ky vit, rrezikohet prej normave të interesit që janë në rritje dhe luhatjeve të kursit të këmbimit. Ministria e Financave në strategjinë e menaxhimit të borxhit, parashikon uljen e tij me 6.5% deri në vitin 2026, por thotë se të gjitha parashikimet mund të rishikohen për shkak të rreziqeve të shtuara prej luftës në Ukrainë, e cila ka rritur nevojën për financim.

Rritja e normave të interesit për shkak të normalizimit të politikave monetare nga Banka Qendrore Evropiane, Banka e Shqipërisë dhe bankat e tjera qendrore si dhe luhatjet e kursit të këmbimit, mund të cenojnë objektivin e qeverisë për të ulur borxhin publik në vend.

Në Strategjinë afatmesme të menaxhimit të borxhit për periudhën 2022-2026, thuhet se borxhi do të ulet me 6.5% deri në vitin 2025, duke zbritur në 66.7% të PBB-së, nga 73.2% që ishte në fund të vitit 2021. Të gjitha këto parashikime thotë ministria e Financave janë objekt rishikimi, pasi situata paraqitet e pasigurt për shkak të luftës Rusi-Ukrainë, e cila ka goditur tregjet dhe ekonomitë evropiane.

Sipas një analize të bërë në strategji thuhet se nëse normat rriten njëkohësisht interesat e borxhit mund të rriten deri në 0.8% në afatmesëm, ndërsa një zhvlerësim i fortë i monedhës vendase kundrejt euros mund ta mbante nivelin e borxhit mbi 70% deri në vitin 2026.

Këto rreziqe mund të vështirësojë edhe huamarrjen e Shqipërisë në tregun e huaj në kushtet kur nevojat për financim, për shpenzime si pasojë e çmimeve dhe për ri-finacnimin e borxhit ekzistues janë rritur. Për këtë arsye, Ministria e Financave thotë se objektiv i huamarrjes do të jetë tregu i brendshëm, pasi huamarrja në tregun e huaj është sfidë.

“Tregu i brendshëm do të vazhdojë të mbetet burimi kryesor i financimit, i cili do të mbulojë shumicën e nevojave të qeverisjes qendrore për hua. Instrumentet kryesore që do të përdoren për sigurimin e financimit janë titujt shtetëror”, thuhet në strategjinë afatmesme.

Sipas të dhënave të Ministrisë së Financave borxhi publik i vendit në muajin qershor ishte 11,6 miliardë euro, ku 5.7 miliardë është borxh i jashtë dhe 5.9 miliardë euro janë nga tregu i brendshëm. Ky ekspozim i borxhit në valutë e bën edhe më të ndjeshëm portofolin ndaj goditjeve të kursit të këmbimit.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Izraeli dhe Hamasi akuzojnë njëri-tjetrin për dështimin e një marrëveshjeje armëpushimi

Izraeli dhe Hamasi akuzojnë njëri-tjetrin për dështimin e një marrëveshjeje armëpushimi

25 Dhjetor, 16:57