POP 5

Lajmet më të lexuara të 5 minutave të fundit

Kronikë

Bosi shqiptar i drogës 'bie në kurthin' e Antimafias, agjenti u shtir si vajzë shqiptare në Instagram e i la takim në kafene në Londër...por i vuri prangat

Trafikanti shqiptar i drogës Elton  Hamza ka shkuar drejt prangave të policisë londineze teksa ishte nisur për të takuar një vajzë shqiptare me të cilin ishte njohur në Instagram. Profili i rremë pas së cilit fshihej antimafia ka zënë mat shqiptarin që i kishte shpëtuar operacioneve në Shqipëri dhe Itali.

TIRANË- Profili fals i një vajze shqiptare dhe bisedat me të në Instagram e kanë dërguar me këmbët e veta drejt prangave trafikantin e drogës Shqipëri-Itali. Elton Hamza i shpëtoi disa operacioneve në Shqipëri dhe Itali, ndërsa është arrestuar pranë aeroportit "Heathrow" në Londër. Antimafia Italiane e ndoqi për disa javë nëpërmjet Instagram të konsideruarin kryesorin e trafikut të drogës nga Shqipëria në Itali.

37 vjeçari është joshur nga një ftesë në Instagram nga profil i një personazhi shqiptar, një vajzë simpatike, por pa e ditur se pas saj qëndronin agjentët e antimafias.

Pasi ka biseduar për disa ditë me këtë vajzë, Hamza, ka lënë edhe një kafe për tu takuar fizikisht.  Por në kafene është pritur nga agjentët e Interpol, antimafias dhe policisë angleze ku është arrestuar.

Hamza ishte në kërkim që prej muajit korrik ku u godit rrjeti i tij në operacionin “kulmi” por nuk u arrestua as në Shqipëri dhe as në Itali.

37 anëtarët e këtij grupi operacionin midis dy vendeve si për trafik droge ashtu edhe për investimin e parave të fituara, nga ku 27 anëtare ishin shqiptarë dhe 10 italiane. Në pranga ka rënë edhe një tjetër anëtar italian i kësaj organizate shtetasi C.S, ai është kapur në Gjermani në të njëjtën ditë me Hamzën.

Të gjithë të arrestuarit  akuzohen për kryerjen e veprave penale "Trafikimi i narkotikëve", në bashkëpunim, në kuadër të grupit të strukturuar kriminal", "Pastrimi i produkteve të veprës penale ose i veprimtarisë kriminale", "Grupi i strukturuar kriminal", "Kryerja e veprave penale nga organizata kriminale dhe grupi i strukturuar kriminal".

Hetimet për këtë grup nisën 5 vite më parë, ndërsa e gjithë mënyra se si vepronte kjo strukturë kriminale u zbërthye nga dy të penduarit që treguan para prokurorëve se si koka e grupit, shqiptari nga Vlora, jepte udhëzimet dhe ndante paratë.

Pas këtij operacioni prokurori Antimafias italiane dhe kreu i SPAK dhanë një konferencë të përbashkët për mediat, duke paralajmëruar të tjera goditje.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni takimin e Ramës me shqiptarët në Athinë?

Lajme të tjera



×

Lajmi i fundit

U zgjua nga gjumi dhe i gjeti të vdekura, detaje nga ngjarja në Tiranë! Shoqërohet në polici shoqja e dy ukrainaseve

U zgjua nga gjumi dhe i gjeti të vdekura, detaje nga ngjarja në Tiranë! Shoqërohet në polici shoqja e dy ukrainaseve

10 Maj, 15:45