“Kuvendi gjithëserb” është një projekt i rrezikshëm i presidentit të Serbisë, Aleksandar Vuçiç, i cili lidhet drejtpërdrejt me përpjekjet e Rusisë për të destabilizuar Evropën Juglindore dhe për të larguar vëmendjen nga agresioni i saj në Ukrainë, tha kryesuesi i Presidencës së Bosnje e Hercegovinës, Denis Beqiroviç.
I ashtuquajturi “kuvend gjithëserb” u mblodh të shtunën në Beograd, ku udhëheqës të Serbisë dhe të entitetit serb të Bosnjës, Republika Sërpska, bënë thirrje për unitetin e serbëve në të gjithë rajonin.
Ai u organizua nën sloganin “Një popull, një kuvend - Serbia dhe Sërpska” dhe prodhoi të ashtuquajturën Deklaratë për mbrojtjen e të drejtave kombëtare dhe politike dhe të ardhmërisë së përbashkët të popullit serb.
Presidenti serb, Aleksandar Vuçiç, tha se gjuha e deklaratës është zgjedhur me kujdes dhe se ajo fokusohet te Kosova, merr parasysh Marrëveshjen e Dejtonit që i dha fund luftës në Bosnje në vitet ’90 dhe nuk e përmend ndarjen e Bosnjës.
Ai, megjithatë, shtoi se Serbia “nuk do ta braktisë kurrë Republikën Sërpska”.
Beqiroviç tha se “kuvendi gjithëserb” kërcënon bashkëpunimin paqësor dhe të barabartë midis shteteve evropiane.
“Një skenar i tillë i përshtatet vetëm Rusisë së [Vladimir] Putinit dhe për këtë arsye nuk është rastësi që zyrtarët më të lartë rusë e kanë përkrahur publikisht mbajtjen e ‘kuvendit gjithëserb’”, tha Beqiroviq, raporton Shërbimi i Ballkanit i Radios Evropa e Lirë.
Ai shtoi se organizimi i një kuvendi tërësisht serb është në kundërshtim me praktikat e një bote demokratike dhe të civilizuar - e cila respekton ligjin ndërkombëtar - dhe paraqet “një hap jashtëzakonisht të rrezikshëm”.
“Asnjë kryetar shteti në Evropën moderne nuk do të mendonte të organizonte një kuvend ‘gjithëfrancez’, ‘gjithëgjerman’, ‘gjithitalian’, ‘gjithëpolak’, ‘gjithëspanjoll...”, tha Beqiroviç.
Deklarata, e cila thotë se populli serb përfaqëson një entitet të vetëm, duhet të konfirmohet nga parlamentet e Serbisë dhe Republikës Sërpska në 90 ditët e ardhshme./REL
Lajme të tjera
-
BE-ja pritet t'i heqë pjesërisht dhe gradualisht masat ndaj Kosovës
20 Qershor, 19:25 -
Sanksionet e BE-së ndaj Kosovës ende në fuqi/ Elezi: Situata në Veri ende e brishtë! Pas sulmit të Banjskës, aleatët po lejojnë forcimin e FSK-së me armatim modern
20 Qershor, 17:11 -
Dialogu Kosovë-Serbi, BE e konfirmon, Kurtit dhe Vuçiç takohen më 26 qershor në Bruksel
20 Qershor, 14:19 -
Vuçiç takon Lajçak: Normalizimi ekziston përmes zbatimit të Marrëveshjes së Brukselit
19 Qershor, 20:28 -
Habit aktivisti nga Kosova: Jam me Kroacinë, nuk i kuptoj kosovarët që harxhojnë pare dhe shqyejnë gurmazin për Shqipërinë
19 Qershor, 16:11 -
Nëna rrënqethi me rrëfimin për djalin që u vra nga forcat serbe, shtatore për 7- vjeçarin, skulptori i veprës për Report Tv: Duam të sjellim Leotrima edhe në Tiranë
19 Qershor, 12:53 -
Borrell rekomandon heqjen e masave të BE-së ndaj Kosovës
19 Qershor, 10:33 -
Analistët: Zgjedhjet në BE, rezultatet paralajmërim negativ për integrimin evropian, dialogun Kosovë-Serbi
18 Qershor, 20:02 -
Borrell ua dorëzon vendeve të BE-së raportin për masat ndaj Kosovës
18 Qershor, 15:26 -
Izraeli heq vizat për Kosovën, sot nënshkruhet marrëveshja
18 Qershor, 12:37 -
Kush e pengon paqen e qëndrueshme mes Kosovës e Serbisë?
17 Qershor, 19:41 -
Zyrtare/ E mbani mend Ergys Kaçen? Ish-mesfushori i Kombëtares firmos në Kosovë
17 Qershor, 18:57
