POP 5

Lajmet më të lexuara të 5 minutave të fundit

Sport

Botërori, Lëv: Gjermania, e lodhur
Xavi vendos të largohet nga Spanja

Trajneri i Gjermanisë, Lëv shfajëson ekipin për barazimin me Ganën në ndeshjen e dytë në grup. Sipas teknikut, futbollistët janë të lodhur nga edicioni i ngarkuar.
Trajneri i Rusisë, Fabio Capello deklaron se ky edicion i kampionatit botëror është i një niveli shumë të lartë. “Jam i befasuar nga niveli i lartë i këtij Botëror. Secili trajner është i mirë, secili ekip është mirë i përgatitur dhe s’ka ndeshje të lehta e ekipe të vogla.

Shpresoj që të bëjmë një paraqitje sa më të mirë sot përballë Belgjikës për të vazhduar më tej. Kundërshtari është i vështirë, pavarësisht ndeshjes së parë, pasi duhet vlerësuar edhe Algjeria” tha italiani i bankinës së Rusisë. Rusia përballet me Belgjikën në një duel ‘o jetë o vdekje’ që zhvillohet sot në ora 18:00.
 
Bento: Nuk varemi nga Ronaldo
Portugalia do të zhvillojë sonte ndeshjen më të rëndësishme përballë SHBA, pasi në rast humbje eliminohet, vetëm fitorja e mbanë në garë për vendin e dytë. Trajneri Bento në prag të ndeshjes ka ulur presionin mbi Ronaldon duke thënë se ai nuk mund të zgjidhë i vetëm problemet.

"Jemi këtu falë Ronaldos, por kemi edhe lojtarë të tjerë që e mbështesin atë dhe që na dhanë mundësinë të kualifikoheshim në Brazil 2014. Nëse mendojmë se problemet tona zgjidhen me lojtarin më të mirë në botë, ky është një gabim i madh.

I kam thënë Ronaldos se ai e askush tjetër nuk mund të marrë i vetëm përgjegjësinë për të zgjidhur problemet tona. Personi i vetëm që duhet ta bëjë këtë jam unë. Futbollistët kanë përgjegjësi kolektive, kështu që ndaj SHBA askush nuk duhet të ndihet nën presion" tha ai.
 
Lëv: Gjermania është e lodhur
Trajneri i Gjermanisë, Lëv shfajëson ekipin për barazimin me Ganën në ndeshjen e dytë në grup. Sipas teknikut, futbollistët janë të lodhur nga edicioni i ngarkuar në kampionat, Champions dhe Kupë.

“Lojtarët dhanë gjithçka në fushë, pavarësisht se janë shumë të lodhur. Pjesa e dytë ishte lojë e hapur, niveli i lojës ishte i lartë.  Në këtë mund të ndodhë gjithçka, pasi ekipet janë të përgatitura” tha ai.
 
Xavi Hernandez largohet nga Spanja
Pas 133 ndeshjeve me kombëtaren, prej të cilave 100 të fituara dhe 12 golave të shënuar, Xavi vendos që të largohet nga kombëtarja spanjolle. Vendimi sipas mediave spanjolle është pas formës jo të mirë edicionin e fundit ku nuk u aktivizua shumë edhe me Barcelonën.

Humbja me Kilin dhe eliminimi nga Kupa e Botës detyrojnë Xavin që të përshpejtojë vendimin për të dhënë dorëheqjen nga ‘La Roja’. Vendimi i Xavit vjen menjëherë pas atij të Alonsos vetëm pak ditë më paër. Xavi përpos larimit nga kombëtarja pritet që të largohet edhe nga Barcelona drejt Arabisë.


d.b/shqiptarja.com

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

VKM/ Krijohen dy programe të reja për mbështetjen e të rinjve! Muzhaqi: Do bashkëdrejtojnë me kryetarët e bashkive

VKM/ Krijohen dy programe të reja për mbështetjen e të rinjve! Muzhaqi: Do bashkëdrejtojnë me kryetarët e bashkive

16 Janar, 13:05