Botërori i peshëngritjes, Briken Calja bën historinë! Fiton medalje të artë në stilin e shkëputjes

Presidenti i vendit Ilir Meta ka uruar peshëngritësin Biken Calja për fitoren e medaljes së të artë dhe dy medaljeve argjendi në botërorin e Uzbekistanit.

 “Urime peshëngritësit tonë të shkëlqyer të rekordeve historike, Briken Calja, fitues i 1 medalje ari dhe 2 argjendi, në Kampionatin Botëror të Peshëngritjes! Një sukses madhështor i tij, që na bën krenar të gjithëve”, shkruan Meta

Kryeministri Edi Rama ka uruar peshëngritësin shqiptar Briken Çalja pas fitores së medaljes së artë në stilin e shkëputjes dhe dy të argjendta në dygarësh dhe shtytje.

'Kampion bote! Briken Calja, talenti me vullnet të hekurt, meriton sot një përulje me respekt, sepse ia doli të ngjitet në majën e botës pa e humbur kurajon e as durimin, në të përpjetën e vështirë dhe të rrëshqitshme drejt majës!'- shkruan Rama.

Peshëngritësi shqiptar Briken Calja ka arritur rezultate historikë në kampionatin Botëror. Elbasanasi ka fituar të artën në stilin e shkëputjes dhe dy të argjendta në dygarësh dhe shtytje. Calja për më tepër ishte shumë pranë të artës në dygarësh, por e humbi atë vetëm për një kilogramë. Peshëngritësi shqiptar ngriti në total 342 kilogramë, vetëm një më pak se kundërshtari nga Indonezia Abdullah.

Në stilin e shkëputjes ku fitoi të artën, Calja realizoi të tre provat, me rezultatin më të mirë që ishte 156 kilogramë. Ndërkohë në stilin e shtytjes Calja në provën më të mirë ngriti 186 kilogramë, ndërsa indoneziani 192 kilogramë. Në kategorinë deri në 73 kilogramë garoi sot edhe peshëngritësi tjetër Erkand Qerimaj, i cili për dy kilogramë humbi zonën e medaljes në dygarësh. Qerimaj u rendit i katërti me 333 kilogramë në total.

Peshëngritësja e parë për Shqipërinë që garoi në Botërorin e Uzbekistanit ishte Evangjeli Veli, ndërsa të shtunën do jetë rradha e Daniel Godellit dhe Krenar Shoraj.