POP 5

Lajmet më të lexuara të 5 minutave të fundit

Sport

Botërori i peshëngritjes/ Veli e mbyll pa medalje në Uzbekistan, dëmtohet! Nuk garon në stilin e shtytjes

Peshëngritësja shqiptare Evangjeli Veli nuk ka mundur të fitojë medalje në kampionatin Botëror. Për shkak dëmtimi ajo nuk mori pjesë në stilin e shtytjes, ndërsa në shkëputje e mbylli në vendin e katërt.

Evangjeli Veli, peshëngritësja shqiptare që mori pjesë e para nga ekipi kombëtar në kampionatin Botëror që po mbahet në Uzbekistan, e ka mbyllur përfaqësimin pa medalje dhe poshtë pritshmërive. Medalistja e kampionatit europian, edhe pse pretendoi të çonte lart flamurin shqiptar e ka mbyllur si e pakulifikuar në dygarësh, pasi u tërhoq nga stili i shtytjes, si pasojë e një dëmtimi.

Në stilin e shkëputjes peshëngritësja nga Fieri realizoi dy nga tre provat. Fillimisht Veli, e cila garoi në baderinë A të peshës 55 kilogramë, ngriti 86 kilogramë në provën e parë. Në provën e dytë Veli u tregua sërish e saktë për 89 kilogramë. Me synim për të hyrë në zonën e medaljes peshëngritësja shqiptare tentoi 91 kilogramë, por këtë herë nuk ia doli. Për rrjedhojë Evangjeli Veli u rendit në vendin e katërt në stilin e shkëputjes.

Kjo kategori u fitua nga peshëngritësja e Tunizisë Belkhir Ghofrane. Ndërkohë të premten do jetë rradha e dy peshëngritësve të tjerë nga Shqipëria, Briken Calja dhe Erkand Qerimaj, të cilët do garojnë në kampionatin Botëror.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

FOTO/ Hapet gropë në mes të aksit rrugor Lezhë-Milot

FOTO/ Hapet gropë në mes të aksit rrugor Lezhë-Milot

24 Prill, 07:33