Braçe përplaset me Artan Shytin për bastet: E dini çfarë kemi hequr unë dhe kolegët?! Morëm kërcënime nga zgëqet e burgut, po mbroni krimin

Deputeti i Partisë Socialiste Erion Braçe duke iu drejtuar përfaqësuesve të Shoqatës së Basteve u tha se ata nuk duhet të përfaqësojnë krimin në komision. Sipas Braçes para 2018 bastet i ka pasur në dorë krimi dhe argumenti që ata sjellin se do të mbeten informale por t’u kthehen kompanive është perceptuar si shantazh.

‘Këtë aktivitet e ka pasur në dorë krimi. Kjo ka qenë e qartë. Ti nuk duhet të përfaqësosh krimin në komision. Ju kam dëgjuar në çdo komision, po dëgjoj dhe këtu. Po s’u kthyet kompanitë që ishin kjo gjë do të mbetet informale është perceptuar si shantazh i qartë. Këtë aktivitet e ka pasur në dorë krimi. E dimë mirë se çfarë kemi hequr në 2018.  Me përjashtim të një kompanie që rezistoi deri në fund, të tjerët u detyruan që t’i linin pikat e basteve. Ajo kompani refuzoi që të shiste aktivitetin, biznesin. U detyruan përmes dhunës dhe krimit. U bëmë pjesë e një aktivitet ilegal. Kush po luan tani? Kush po e bën këtë gjë?'- tha Braçe.

Braçe deklaroi se së bashku me kolegët e tij kanë marrë mesazhe kërcënuese nga "zgëqet e burgut".

“Unë dhe ca njerëz që janë në këtë komision, e dini se ça kemi hequr nga burgu unë dhe kolegët, nga zgëqet e burgut përmes telefonave (kërcënime)”, tha Erion Braçe referuar periudhës kur në Shqipëri lejoheshin me ligj lojërat e fatit.

Lajmi kryesor:

Rikthimi i basteve, shoqatat te 'Ekonomia': Dështim nëse nuk rikthehen kompanitë që ishin! Braçe: Shantazh, i ka pasur në dorë krimi

M.Q./Shqiptarja.com

TAG:
• komisioni i ekonomise
• baste online
• bastet sportive
• Erion Braçe
• artan shyti