TIRANË- Në një kohë kur socialisti Erion Braçe u kërkoi të mos bënin sehir për rritjen e çmimit të naftës, Autoriteti i Konkurrencën bën me dije se ka nisur monitorimin e tregut që në muajin shkurt, e ndërsa në reagimin e tyre thuhet se nuk mund të ndërhyjnë në treg për të rregulluar çmimin, pasi kjo sipas tyre shkon përtej kompetencave që i ka dhënë ligji.
" Ne jemi të vetëdijshëm dhe e kuptojmë, se në këto periudha krizash të njëpasnjëshme, pa marrë parasysh arsye objektive, kryesisht qytetarët, por edhe politikanët, pretendojnë nga autoritetet që të ndërhyjnë dhe të ulin çmimet, por në lidhje me Autoritetin e Konkurrencës këto pretendime janë të arsyeshme vetëm nëse ndërmarrje të caktuara spekulojnë me çmimet duke shtrembruar konkurrencën", thuhet ndër të tjera në reagim.
Autoriteti i Konkurrencës thotë se nuk mund të ndërhyjë nëse nuk është në gjendje për të provuar që nëpërmjet marrëveshjeve të fshehta kompanitë kanë rritur çmimin, por për të vërtetuar këtë, thekson se kërkohet kohë.
"Pra, duhet me patjetër që të provohet abuzimi me pozitën dominuese dhe jo thjesht abuzimi, që Autoriteti i Konkurrencës të ketë mundësi ligjore të ndërhyjë; duhet me patjetër të provohet se mes ndërmarrjeve në një treg të caktuar ka një marrëveshje të ndaluar apo sjellje të bashkërenduar për të ngritur (apo edhe ulur) çmimet në mënyrë abuzive (të padrejtë), që Autoriteti i Konkurrencës të ketë mundësi ligjore të ndërhyjë. Në çdo rast, për të risjellë konkurrencën (jo çmimet si qëllim në vetvete) në parametra efektive. Sjellim në vëmendjen tuaj, se hetimet e Autoritetit të Konkurrencës kërkojnë kohën e tyre, pasi janë procese të komplikuara marrje, kryqëzimi e analizimi të dhënash të shumta e specifike, në mënyrë që vendimi të jetë i bazuar në ligj dhe prova. Akoma më tej, vendimi në fjalë do t’i nënshtrohet edhe procesit gjyqësor, që do kërkojë kohën e vet. Sa më i bazuar në ligj dhe prova një vendim i Autoritetit të Konkurrencës, aq më e vështirë do të jetë për abuzuesit, të ankimojnë dhe të rrëzojnë vendimet e Autoritetit në gjykatë. Zgjatja në kohë është edhe një nga arsyet përse legjislacioni në Shqipëri dhe në shumicën e vendeve të botës, nuk i ka ngarkuar autoritetet e konkurrencës edhe me kompetencën e rregullimit të çmimeve", thuhet në njoftim.
Ato thotë se kërkesa për ulje të çmimeve nuk duhet t'i adresohet Autoritetit të Konkurrencës, por institucioneve të tjera, që ligji ua lejon të ndërhyjnë.
"Ndaj, disa nga kërkesat tuaja mund e duhet të adresohen, e me gjasë të gjejnë zgjidhje, pranë institucioneve të tjera publike, pasi në respekt të instrumenteve që ligji na ka dhënë, për sa i përket mbrojtjes së konsumatorit, vendimet e Autoritetit të Konkurrencës, të cilat duhet të jenë të bazuara në ligj e prova (që t’iu qëndrojnë edhe ankimeve në gjykatë), i japin efektet e tyre të shtrira në kohë", përfundon reagimi.
Një ditë më parë, qindra qytetarë kanë dalë në protestë para Kryeministrisë kundër rritjes së çmimeve, teksa kanë paralajmëruar protesta të njëpasnjëshme çdo ditë, që do të kulmojnë të shtunën në orën 11:00.
Komente
Lajme të tjera
-
‘Dy vite mësim me turne, fëmijët vijnë në shtëpi natën!’ Protesta në Golem të Lushnjes nxjerr në pah propagandën për ‘rilindjen e shkollës’
19 Nëntor, 08:38
-
Protestat e dhunshme në Itali, plagosen 15 policë, reagon Meloni: E papranueshme
15 Nëntor, 17:11 -
Pensionistët dhe Lëvizja Bashkë protestë te Kryeministria: Hiqni dorë nga korrupsioni, që të na rritet pensioni!
12 Nëntor, 12:23 -
Deputetja e PD-së, Jorida Tabaku: Tre arsyet pse produktet ushqimore në Shqipëri janë më të shtrenjta krahasuar me vendet e BE-së
10 Nëntor, 13:00 -
Abuzimi me çmimet në tregun e grumbullimit të fruta-perimeve, Autoriteti i Konkurrencës hap hetim të thelluar në 5 qarqe! Verifikim periudhës 2023-2024
7 Nëntor, 11:57 -
U rrit çmimi i energjisë/ Autoriteti i Konkurrencës nis monitorimin e çmimeve tek furrat e bukës e pastiçerive
1 Nëntor, 13:20 -
Presidentja e Gjeorgjisë nuk e njeh rezultatin zgjedhor, bën thirrje për protesta
28 Tetor, 08:09 -
Mblidhen ministrat e G7 në Napoli, protestuesit sfidojnë zonën e kuqe dhe përleshen me policinë! Hidhet gaz lotsjellës dhe goditet me shkopinj gome
19 Tetor, 19:14 -
VIDEOLAJM/ Vrasja e dy vëllezërve në Roskovec, protesta e grave me të zeza para Apelit të Tiranës! Kërkojnë dënimin maksimal për autorët!
15 Tetor, 09:48 -
"Kryetarët e bashkive vijnë marrin votat e zhduken!" Banorët protestojnë për rrugët në Kukës e Lushnje: Kemi njerëz të sëmurë, nuk hyn ambulanca
11 Tetor, 14:21
-
VIDEO/ Minatorët protestojnë para Parlamentit, kërkojnë miratimin e Statusit
12 Shtator, 10:18 -
Francë/ Qytetarët protestojnë ndaj emërimit të kryeministrit të ri
7 Shtator, 18:57
Nuk ka nevoje te kesh/marreveshje te ndaluar,apo sjellje te bashkrenduar/,mjafton te dalesh ne nje qytet.N.q.s ne gjithe qytetin cmimi i naftes,i bukes,etj eshte i njejte ne cdo dyqan e pike shitjeje,atehere ke abuzim dhe duhet ndaluar.Ose n.q.s.del tek Pazari i Ri dhe shikon qe p.sh cmimi i molleve eshte i njejte tek te gjithe tregetaret qe shesin aty,kemi te bejme me abuzim dhe duhet ndaluar.Keshtu veprohet o z.Biba ketej nga jetoj une.Mire cmimet,po spekulantet nuk je ne gjendje t'i dallosh,se kam pershtypjen qe per ta i ke kompetencat t'ua heqesh,ose te mos u vesh gjoba.
PërgjigjuDenar Biba nuk nderhyn dot, Inspektoriati i Mbikqyrjes se Tregut nuk nderhyn dot. Po per cfare i paguajme dhe i mbajme keto institucione???? Apo per ti gjetur pune Bibave? Futini ne burg keta bashkepuntore te krimit.
PërgjigjuAutoriteti i konkurrences eshte nje oeganizate kriminale ne sherbim te oligarkeve dhe kunder popullit.E ka treguar qe nga cmimet e bukes e deri sot.Jane fytyra e vertet e qeverisjes se vendit qe bejn sehir para fuqise se oligarkeve.Por harrojne qe nuk ka fuqi ne te madhe ne toke sesa populli
PërgjigjuBIBA do ti kontrolloj , nuk i varen melcit ne qaf ujkut , thone qe verbohesh edhe nga dhjamosja e tepert
PërgjigjuAthua vajtust vendor kta që po jetojn n'korriz t'huaj, a e meritojn të llogaritën për Njerëz, qfar pasunie kan prej Zoti, qfar varfnie sjellin në POPULL !?
Përgjigju