Braimllari i paditi për shpërdorim detyre, 2 drejtorët në Korçë i kundërpërgjigjen me tjetër padi: Shpifje, s’kemi lënë postet për fushatë

Ilir Bajlozi dhe Petrika Tollkuçi

Petrika Tollkuçi, drejtori i FSDKSH në Korçë, Ilir Bajlozi, drejtor i Drejtorisë Rajonale të Sigurimeve Shoqërore në Korçë i janë përgjigjur padisë së kandidatit për deputet të LSI-së, Endrit Braimllari me një tjetër padi.

Ata e akuzojnë për shpifje, pasi sipas tyre akuza se kanë lënë postet për të bërë fushatë për PS-në.

“Sapo kam depozituar në gjykatën e rrethit gjyqësor Korcë një padi për shtetasin Endrit Brahimllari i cili në deklaratën e tij publike të ditës së djeshme më ka ofenduar personalisht duke përdorur emrin tim dhe disa epitete të cilat nuk e di si i ja nxë goja, gjithsesi unë nuk mund të merrem me fjalët e tij, unë kam ardhur pranë gjykatës për t’iu drejtuar gjykatës e cila do të vendosë në lidhje me shpifjet e tij të radhës”, tha Tollkuçi.

“Sapo depozitova pranë gjykatës së rrethit Korcë kallzimin penal për shtetasin Endrit Brahimllari, vlerësoj në mendimin tim që përveç gjykimit nga qytetarët këtë çështje le ta gjykojë edhe drejtësia për njerëz të tillë në deklaratat e tyre të papërgjegjshme. Personalisht do vazhdoj të jem në shërbim të qytetarëve të mi”, tha Bajlozi.

Lajmi kryesor:

Braimllari kallëzon në SPAK Peleshin dhe tre drejtorë në Korçë: Po bëjnë fushatën e PS-së...ato i përgjigjen me kundër padi për shpifje (DOKUMENTI)

B.K./Shqiptarja.com

TAG:
• LSI
• Korce
• Fushate elektorale
• zgjedhjet parlamentare 2021
• Petrika Tollkuci
• Ilir Bajlozi