POP 5

Lajmet më të lexuara të 5 minutave të fundit

Kronikë

Brataj në Report Tv: Pas 3-4 javësh nis rënia e kurbës! Në rast shtimi të infektuarve janë përgatitur dhe spitalet rajonale! Diskot, burim infeksioni

Kreu i urgjencës kombëtare Skënder Brataj tha se tashmë vendi ka shifra të larta për shkak të hapjes së vendit dhe aktiviteteve, por që pas 3-4 javëve do të shënojmë ulje të kurbës të të infektuarve. Brataj shtoi se në rast boom-i infektimesh dhe shtrimesh në vend janë të gatshme të ndihmojnë dhe spitalet rajonale që tashmë janë të pajisura  me kushtet dhe mjetet e duhura.

Në një kohë kur vendi ynë vijon të regjistrojë shifra të larta infektimesh me COVID-19 dhe viktimat vijojnë të shtohen çdo ditë, kreu i urgjencës kombëtare Skënder Brataj tha se respektimi i mbajtjes së maskës dhe ruajtja e distancës janë e vetmja armë që kemi të gjithë. I ftuar në emisionin "Repolitix" në Report Tv, Brataj foli për situatën duke thënë se tashmë vendi ka shifra të larta për shkak të hapjes së vendit dhe aktiviteteve, por që pas 3-4 javëve do të shënojmë ulje të kurbës të të infektuarve.

A i përballon sot sistemi ynë shëndetësor fluksin e lartë? Brataj tha se po pasi në të dy spitalet COVID  ka ende shtretër, por që në rast rreziku është ngritur dhe spitali COVID 3 për skenarin më të keq. Brataj tha se në rast boom-i infektimesh dhe shtrimesh në vend janë të gatshme të ndihmojnë dhe spitalet rajonale që tashmë janë të pajisura  me kushtet dhe mjetet e duhura.

"Sot janë ato që e kemi thënë disa herë që lirimi i masave do rrite rastet dhe do të kishte më shumë vdekje. Jemi ende në ato efekte, tani do të kemi pasojat e korrikut të transportit, por të gjithë duhet të respektojmë rregullat. Këto të rinj do të sjellin prindërit dhe gjyshërit e tyre. do t'i lutesha këtyre moshave që të ruajnë distancën, të respektojmë rregullat. Nëse respektohen do të ulet në masë shpërndarja e virusit brenda dy javësh. Sistemi shëndetësor nuk është problem më gjendjen se kemi, pais kemi dhe Covid 2. Tani edhe spitalet rajonale janë të përgatitura  për të ndihmuar. Me lirimin e masave pas 2-3 javësh, pati një ulje të vigjilencës nga të gjitha moshat dhe dihet që efekti do jepet dy javë më pas.  Pas 3-4 javësh do të tregojë uljen të rasteve", tha Brataj.

Hapja e pishinave duke nxjerrë protokollin e sigurisë për Bratajn nuk është shqetësuese. Ai tha se ato janë në numër të vogël dhe të kontrollueshme, për më tepër uji i tyre dezinfektohet me klor që vret dhe virusin. Në lidhje me mbylljen e klubeve të natës, Brataj tha se këtu nuk mund të kontrollohen dot rastet dhe as ruhet distanca apo mbahet maska duke u kthyer ne burim infeksioni. Për shkak të shifrave të larta mbyllja e tyre ishte e detyrueshme u shpreh Brataj.

"Nuk më shqetëson shumë hapja e pishinës pasi aq janë në Shqipëri krahasuar me diskot që janë në çdo cep.  Uji i pishinës është me klor dhe në këtë mënyrë e vret virusin. Edhe mbyllja e lokaleve të natës ka të bëjë në numrin e lartë të infektuarve, kur numrit do ulet sigurisht që dhe ato do hapen. Në lokal nate je shumë ngjitur dhe ti nuk mund të rrish dot me maskë aty", tha Brataj.

Brataj foli edhe për vaksinën e gripit në fillim shtator duke thënë se do të nis një fushatë sidomos për vaksinimin e moshave më të riskuara. "Vaksina e gripit ka qenë gjithmonë falas por nuk ka qenë e detyrueshme dhe qytetarët përgjithësisht e kanë nënvlerësuar, po ashtu dhe mjekët. Këtë vit do të fillojë një fushatë në fillim shtatori për vaksinimin që të bëhet në kohë dhe jo kur ka shpërthyer dhe grip".

Ndërkohë më herët kreu i PD-së, Lulzim Basha i ka bërë thirrje qeverisë të bëjë vaksinimin e gjithë popullsisë falas, në mënyrë që të lirojë sistemin shëndetësor të merret me pandeminë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Data30: 29/07/2020 10:56

    Te shohim votimin e ligjit per zgjedhjet. ;)

    Përgjigju
  • Free: 29/07/2020 09:43

    Te bllokosh sanatoriumin se kta pisa nuk respektojne masat eshte krim. Ka me dhjetra te tjere qe kane nevoje per kura dhe me mijra qe nuk shkojne dot ne spital per analiza nga frika.

    Përgjigju
  • Zani: 29/07/2020 07:35

    Nga momenti qe nuk mbyllen beach bare, eshte nje soj, sepse tani party behen ne drek edhe njerzit Jan ngjitur njeri tjetrit kur organizohen party me dj ne gjithe shqiperi

    Përgjigju
    • Zani: 29/07/2020 11:15

      A.N. Kur je pa shkolle, ate pergjigje do hapesh. Kush tha per te moshuarit? Po rinia nuk ka fare prinderit ose gjyshet? Erdhen ne bote vete me duket. Ore A.N nga momenti qe do infektohet klienti I vogel si je ti ne beach bar do ta cosh te familja apo Jo??

    • A. N.: 29/07/2020 10:16

      Sidomos ne beachbare e skiuma party po infektohen gjithe te moshuarit.

  • Bledi: 29/07/2020 07:29

    Po ku e di ti qe pas 3-4 javesh nis renia e kurbes, Apo I shkruani vet nga zyra sa do nxjerrim sot dhe sa neser.

    Përgjigju
    • A. N.: 29/07/2020 10:18

      Nje qeveri e afte eshte ne gjendje te parashikoje edhe termetin e ardhshem

    • Daku: 29/07/2020 09:41

      Se nuk e kupton ti nuk dmth që esh konspiracion

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve

Protesta e opozitës më 26 Nëntor/ PD publikon 5 rrugët dhe pikat që do bllokojë në Tiranë! Ja ndarja e deputeteve

24 Nëntor, 18:48