Pas njohjes së 32 ekipeve që do të marrin pjesë në kampionatin botëror të Brazilit janë përcaktuar edhe vazot.

Në vazon e parë janë Brazili si vend organizator më pas kampionia e Botës dhe Evropës në fuqi, Spanja.

Vazoja e parë plotësohet me Gjermaninë, Argjentinën, Kolumbinë, Belgjikën, Uruguain dhe Zvicrën. Në vazon e dytë janë Holanda, Italia, Anglia, Portugalia, Greqia, Bosnja, Kroacia dhe Rusia.

Në vazon e tretë ndodhet Kili, Bregu i Fildishtë, Franca, Ekuatori, Gana, Algjeria, Nigeria dhe Kameruni.

Ndërsa në vazon e fundit janë pozicionuar SHBA, Meksika, Kosta Rika, Hondurasi, Japonia, Irani, Koreja e Jugut dhe Australia.

Tashmë e gjithë vëmendja është përqendruar te hedhja e madhe e shortit për kampionatin botëror, ku priten përplasje shumë të forta, pasi shumë ekipe të mëdha 

kanë zbritur nga vazo e parë dhe të tjera si Zvicra, Belgjika apo Kolumbia janë ngjitur kokë grupi.

d.b/shqiptarja.com