Brazil, virusi që rrezikon kafkën
e fëmijës: Mos ngelni shtatzënë

Zyrtarët e shëndetësisë në Brazil, po kërkojnë nga gratë të mos mbeten shtatzënë, meqë në vend është përhapur virusi Zika, i cili ndikon negativisht tek bebet. Për shkak të këtij virusi , mjekët po kërkojnë që gratë të kenë kujdes dhe të mos mbesin shtatzënë për një kohë.

Ky virusi përhapet nga insektet dhe bën që bebet të kenë kafkën e tkurrur.
Deri më tani, besohet se ky virus ka shkaktuar më shumë se 2 mijë raste tek fëmijët, prej kohës që është përhapur.

Në faqen e Ministrisë së Shëndetësisë së Brazilit , kjo epidemi është quajtur si “rast i pashembullt dhe situatë e pashpjegueshme nga shkenca”.