Breshëria e plumbave ndaj Top Channel, përfaqësuesja e OSBE për lirinë e medias: E tmerruar nga ngjarja, të zbardhet sa më shpejt

Përfaqësuesja e OSBE-së për lirinë e medias, Teresa Ribeiro, ka reaguar ndaj aktit terrorist që u krye në orët e para të mëngjesit të sotëm ndaj godinës së Top Channel ku u qëllua me breshëri kallashnikovi dhe fatkeqësisht humbi jetën roja Pal Kola.

Në një postimi në Twitter, Teresa Ribeiro shprehet se ndihet e tmerruar nga kjo ngjarje e rëndë dhe i bën thirrje organeve ligj zbatuese të zbardhin ngjarjen sa më shpejt.

'Jam e tmerruar nga sulmi i sotëm me armë kundër Top Channel në Shqipëri. U shpreh ngushëllimet e mia të sinqerta familjes dhe kolegëve të Pal Kolës, punonjësit të sigurisë, i cili u vra gjatë këtij sulmi të urryer. Kam besim se autoritetet do të identifikojnë dhe do të ndjekin penalisht përgjegjësit, pa humbur kohë.'- u shpreh përfaqësuesja e OSBE për Lirinë e Medias Teresa Ribeiro.

LEXO EDHE:
Një vit nga sulmi drejt Top Channel, Balla: Hetimet në fazë intensive po dokumentojmë me prova porositësit e ekzekutorët

Lajmi kryesor:

Sulm me armë drejt Top Channel, reagojnë krerët e shtetit dhe politikës: Agresion kriminal, të zbardhet ngjarja! E dënojnë edhe SHBA, OSBE e BE

M.Q./Shqiptarja.com

TAG:
• Top Channel
• Sulm me arme Top Channel