POP 5

Lajmet më të lexuara të 5 minutave të fundit

Kronikë

Brindisi, gomonia 4 ditë në det
të hapur, shpëtohen 3 shqiptarët

Një avari në motorin e gomones në të cilën ndodheshin 3 shqiptarë ka bërë që të qëndrojnë 4 dite në det të hapur. E mbase do të vijonin të qëndronin aty, nëse nuk do t’i kishte lokalizuar mbrëmjen e djeshme një helikopter i “Guardia di Finanza”. Policia italiane nis hetimin.
BRINDISI- Një avari në motorin e gomones në të cilën ndodheshin 3 shqiptarë ka bërë që të qëndrojnë 4 ditë në det të hapur. E mbase do të vijonin të qëndronin aty, nëse nuk do t’i kishte lokalizuar mbrëmjen e djeshme një helikopter i “Guardia di Finanza”.

Kështu ka marrë fund jo vetëm ankthi i tre shqipatrëve, por edhe i familjarëve të tyre, të cilët pasi kishin humbur kontaktet me të afërmit e tyre, kishin dhënë alarmin tek autoritetet e Vlorës, të cilët më pas ia njoftuan këtë fakt autoriteteve italiane përgjegjëse për monitorimin e zonës detare ku ndodhej gomonia.

Tre të mbijetuarit u nisën drejt Vlorës të hënën e kaluar nga porti i San Foca de Melendugno, me një gomone të cilën e kishin blerë dhe e kishin pajisur me vetëm një motor. Por pas nisjes ata humbën të gjitha gjurmët. Të afërmit e tyre të shqetësuar nga ku fakt kërkuan ndihmë nga autoritetet shqiptare, e me pas Drejtoria e Pulias u vu menjëherë në kërkim të tyre.

Në operacionet kërkimore morën pjesë edhe mjete të tejra fluturuese por pa rezultat. Vetëm gjatë një misioni rutine të një helikopteri të repartit ajror të Barit, falë sensorëve në bord, u mund të lokalizohej gomonia në Kanalin e Otrantos, rreth 70 milje larg brigjeve të Italisë, e mbetur në mëshirë të fatit.

Menjëherë zona iu njoftua edhe mjeteve të tjera detare më të afërta në zonë, mes tyre edhe anija e cila mori në bord të mbijetuarit rreth orës 5:30 të mëngejsit të sotëm, si dhe rimorkioi gomonen deri në portin e Brindisit.

Të mbijetuarit iu dorëzuan ekipit të 118 në pritje të transferimit për t’iu nënshtruar kurave të nevojshme në spitalin Perrino.

Ndërkaq, policia italiane ka nisur hetimin lidhur me këtë ngjarje, dhe arsyet që shtynë shqiptarët të udhëtonin në det, pavarësisht parashikimeve për kushte të këqija të motit.

skafi ne otranto
(Në foto: Gomonia ku ndodheshin 3 shqipëtarët)

Redaksia Online
(e.s/shqiptarja.com)

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

Vota e diasporës/ Fleta e votimit u shkon në 2 zarfe! Shifrat e regjistrimit, ‘miratohen’ rreth 55 mijë emigrantë

28 Janar, 22:00 nga Danjela Maloku