Kryeministri britanik Keir Starmer shprehu shqetësimin për kërcënimin në rritje që paraqesin grupet e ekstremit të djathtë në Britani dhe u bëri thirrje partive politike progresiste në gjithë Evropën që të punojnë së bashku për të përballuar këtë sfidë të përbashkët.
Britania u përfshi nga protestat kundër emigrantëve në fillim të muajit, pasi një sulm vdekjeprurës me thikë në një klasë vallëzimi për fëmijë u pasua nga pretendimet e rreme, të mbështetura nga elementët e së djathtës ekstreme, se sulmuesi ishte një azilkërkues mysliman.
Duke folur të mërkurën gjatë një vizite në Gjermani, ku Alternativa për Gjermaninë, një parti kundër imigracionit është forcuar, zoti Starmer tha se populizmi do të zbehet nëse përmirësohen kushtet për njerëzit dhe premtoi se në Britani një gjë e tillë do të realizohet përpara se të përfundojë mandati i tij i parë.
"Ne në Britani duhet të jemi të vëmendshëm ndaj sfidës të së djathtës ekstreme dhe populizmit dhe nacionalizmit. Ka disa arsye për shqetësimin tim, si ajo që po ndodh në Britani, ose ajo që po ndodh në vendet e tjera evropiane, përfshirë Francën dhe Gjermaninë”, u tha ai gazetarëve.
Partia Laburiste e qendrës së majtë e zotit Starmer arriti një fitore dërrmuese në zgjedhje në fillim të korrikut, në kontrast me fitoret e fundit nga e djathta ekstreme në Evropë.
Por, trazirat kundër emigrantëve ishin kriza e parë madhore për qeverinë e tij.
Vizita e tij në Gjermani synonte rigjallërimin e marrëdhënieve të Britanisë me një nga aleatët e Bashkimit Evropian. Të mërkurën në mbrëmje ai mori pjesë në ceremoninë e hapjes së Lojrave Paraolimpike dhe të enjten pritet të ketë bisedime me Presidentin e Francës, Emmanuel Macron./VOA
Lajme të tjera
-
Studimi: 47.000 viktima të vapës në Europë vitin e kaluar
14 Gusht, 15:35 -
SHBA-ja dhe Britania e Madhe vendosin sanksione të reja ndaj Bjellorusisë
9 Gusht, 19:18 -
Terapia e parë e modifikimit të gjeneve mund të kurojë çrregullimin e gjakut! Do të ofrohet në Britani
8 Gusht, 10:06 -
Britani, mijëra në protesta paqësore kundër racizmit: PO refugjatëve, JO urrejtjes
8 Gusht, 10:03 -
Një javë protesta të dhunshme/ Çfarë po ndodh në Britaninë e Madhe?
7 Gusht, 18:12 -
Kryeministri britanik Starmer takim urgjent me ministra dhe zyrtarë: Protestuesit e dhunshëm do të përballen me forcën e ligjit
5 Gusht, 16:43 -
Goditet rrjeti i trafikut të drogës nga Ekuadori në Europë! ‘Koka’ e organizatës Dritan Gjika
1 Gusht, 14:43 -
Angli/ Sulm me thikë, 2 fëmijë humbin jetën 9 të tjerë plagosen! Arrestohet 17- vjeçari
29 Korrik, 17:10 -
Takimi i fundit zyrtar përpara largimit, Ambasadori britanik King Smith vizitë në zyrën e kreut të Gjykatës së Lartë, Sokol Sadushi
29 Korrik, 16:50 -
NATO: Evropa do të duhet të jetë e përgatitur të lëvizë trupat në front në përgjigje të lëvizjeve ushtarake ruse nëse është e nevojshme
24 Korrik, 17:55 -
Britania ndryshon ligjin, i jep përparësi kërkesave për azil nga shqiptarët
22 Korrik, 16:38 -
OBSH: Evropa duhet të vazhdojë luftën kundër HIV/AIDS-it
20 Korrik, 13:51
