Britania zgjedhje të parakohshme, avokat Hasani analizon qeverinë e Rishi Sunak: Dështoi me politikën për emigrantët e paligjshëm

Britania e Madhe shkoi në zgjedhje të parakohshme parlamentare, ndërsa votimi mbahet më datë 4 korrik. Ndërsa kryeministri Rishi Sunak shpalli ditën e zgjedhjeve, sekretari i Jashtëm britanik, David Cameron ishte në Tiranë dhe u detyrua të largohet më shpejt nga çfarë kishte parashikuar në axhendë.

Avokat Naim Hasani i ftuar në emisionin ‘Sot Live në Shqipëri’ me gazetarin Nertil Agalliu në Report Tv, foli për arsyet përse Britania e Madhe shkoi në zgjedhje të parakohshme. Ai rendit disa prej pakënaqësive të britanikëve, por me e rëndësishmja sipas tij është politika e dështuar për emigrantët e paligjshëm.

“Ky vendim është i vonuar, se qytetarët britanik mezi prinin të kishin një datë për zgjedhjet e përgjithshme parlamentare. Situata ka vazhduar të përkeqësohet nga ana ekonomike. Kanë qenë një mori premtimesh të partisë konservatore që nuk janë mbajtur, qytetarët janë përballur me rritjen e kostos  së jetesës, rritjen e kostos së kredive, probleme me shëndetin publik. Kanë qenë një numër problemesh, sidomos ardhja e emigrantëve të paligjshëm, politika e dështuar për të dërguar azilkërkuesit në Ruanda”, tha Hasani.

Ndryshe nga konservatorët të cilën duan të dërgojnë emigrantët e paligjshëm në Ruanda, Hasani thotë se laburistët nëse vijnë në pushtet kanë premtuar se do ta anulojnë këtë politikë.

“Laburistët e kanë bërë të qartë se nëse vijnë në pushtet, politika e dërgimit të emigrantëve të paligjshëm në Ruanda do të anulohet, do luftojë trafikantët që organizojnë trafikun e qenieve njerëzore, duke ngritur një strukturë të veçantë për mbrojtjen e kufirit duke bashkëpunuar ngushtë me partnerët europianë.

Dje ishte ditë historike, sepse të gjithë prinin që të caktohej data e zgjedhjeve, pritej që zgjedhjet të zhvilloheshin në tetor ose nëntor, askush nuk e priste që do zhvilloheshin pas 6 javësh”, tha Hasani.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Beni: 23/05/2024 15:37

    Qeveria ka deshtuar sepse ekonomia po shkon keq e mos me keq ne Britani jo sepse po i plas njeriut per emigrantet , por edhe qe eria qe do te vije mos mendoni se do re ndryshoje situaten e veshtire ekonomike qe ka pllakosur ishullin britanik . Kjo tregon qe vendet perendimore do ta kene shume te veshtire tani e tutje sepse po e humbin terrenin ne fushen nderkombetare

    Përgjigju
  • Sondazhi i ditës:

    Shqipëria luan ndaj Italisë sfidën e parë në Euro 2024, kush fiton?



×

Lajmi i fundit

Opozita ka paralajmëruar bojkot, sot konstituohet komisioni ‘Antikorrupsion’, Fatmir Xhafaj zhvillon mbledhjen e parë

Opozita ka paralajmëruar bojkot, sot konstituohet komisioni ‘Antikorrupsion’, Fatmir Xhafaj zhvillon mbledhjen e parë