Brukseli dha 'OK'/ Korporata e Investimeve nesër në Komisionin e Ekonomisë, ja ndryshimet e bëra

TIRANE-Pas miratimit që i bëri Komisioni Europian, projektligji i rishikuar për Korporatën e Investimeve Shqiptare nesër do të zbresë në komisionet parlamentare për diskutime para votës në Kuvend. Drafti parashikon krijimin e një shoqërie tregtare që si objekt ka administrimin e pronave publike, përgatitjen dhe zbatimin e projekteve të investimit, si dhe mobilizimin e kapitalit shtetëror ose privat, me qëllim kryerjen e investimeve. Projektligji ka ndryshuar në tërësinë e tij pas kritikave që bëri FMN, BB dhe KE-ja që më pas u reflektuan.

Ndryshimet vazhdojnë nga neni 8, ku është shtuar pika 2, ku specifikohen mënyrat e financimit të korporatës. Po ashtu ka ndryshuar neni 9 “Për Marrjen e Licensave”, pasi janë shfuqizuar tre pika që synonin kontrollin e dukumentacionit që Korporata dorëzohet pranë autoritetit përgjegjës Ministria e Financave për projektet e investimit.

Tashme ka vetëm një pikë, ku thuhet se autoriteti duhet të kthej përgjigje brenda 30 ditëve në total. Ndryshim thelbësor ka pësuar edhe neni i 10 për Regjimin e Prokurimit, pasi nëse në draftin e kaluar konkurrimi do të bëhej me procedurë të posacme dhe me VKM përcaktoheshin kriteret tashmë konkurimi do të bëhet bazuar në ligjin e prokurimeve në fuqi.

LEXO EDHE:
Komisioni i Ekonomisë kalon projektligjin për faljen e gjobave, të enjten miratohet në Parlament! Balla kërkon që të hyjë në fuqi menjëherë (DETAJET)

Ndryshon neni 13 për Këshillin Mbikqyrës pasi shtohen kriteret për antarët e këshillit të cilët duhet të kenë arsim të lartë dhe master shkencor në fushën e ekonomisë dhe në drejtësi,të kenë 7 vite punë, si dhe nuk duhet të kenë asnjë dënim të mëparshëm. Në nenin 15 përcaktohet paga e drejtorit ekzekutiv që duhet të jetë në raport me tregun dhe në bazë të performancës. Në nenin 20 për Auditimin e Pasqyrave Financiare, shtohet edhe pika tre që i jep të drejtë KLSH të kryej auditime.

Ndërkohë ligji i ri ka 23 nene nga 26 që kishte i mëparshmi, pasi është shfuqizuar neni 6 për objektin e Veprimtarisë së Korporatës, se ku do të përqendrohej veprimtaria e saj, është shfuqizuar neni 9 për Dhënien e Autorizimeve ku Këshilli i Ministrave me anë të një vendimi autorizonte Korporatën të kontraktonte projekte investimi dhe 10 për format e pjesëmarrjes në projektet e investimit nga ana e Korporatës që po ashtu përcaktohej nga Këshilli i Ministrave. Ndërkohë burime nga opozita thonë se ligji nuk ka pësuar ndryshimet e nevojshme pasi ndjek të njëjtën linjë si drafti i vjetër, dhe se nuk do ta votojmë.

(Versioni i parë i projektligjit së korporatave)

TAG:
• komisioni i ekonomise
• Komisioni Europian
• ​​​​​​​Korporata e Investimeve Shqiptare

Sondazhi i ditës:

Si ka qenë për ju viti 2024?

• I mirë

  44%

• I keq

  22.7%

• As i mirë as i keq

  33.3%

Vota total: 1483

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq