POP 5

Lajmet më të lexuara të 5 minutave të fundit

Kronikë

Bruksel/Xhafaj-Avramopoulos: Numri i azilantëve shqiptarë është ulur me 30%

Ministri i Brendshëm Fatmir Xhafaj gjatë vizitës dy ditore në Bruksel, zhvilloi një takim me Komisionerin për Migracionin, Punët e Brendshme dhe Shtetësinë të Bashkimit Evropian, Dimitris Avramopoulos. 
Bruksel/Xhafaj-Avramopoulos: Numri i azilantëve shqiptarë është ulur me 30%

Fatmir Xhafaj dhe Dimtris Avramopoulos

Ministri i Brendshëm Fatmir Xhafaj gjatë vizitës dy ditore në Bruksel, zhvilloi një takim me Komisionerin për Migracionin, Punët e Brendshme dhe Shtetësinë të Bashkimit Evropian, Dimitris Avramopoulos. 

Në fillim të takimit Avramopoulos vlerësoi shumë pozitivisht rezultatet mbresëlënëse të arritura gjatë këtij viti nga MB dhe Policia shqiptare në luftën kundër krimit të organizuar, menaxhimit të kufijve dhe në çështjet që lidhen me azil kërkimin dhe migracionin e parregullt. Ai theksoi se janë rezultate që kanë mbështetjen e përkrahjen e fortë të vendeve anëtare të BE-së.

Komisioneri rikonfirmoi mbështetjen për aderimin e Shqipërisë në Bashkimin Evropian, duke theksuar se me anë të pozicionit të tij si Komisioner, do të mbështesë deri në fund aspiratat e Shqipërisë drejt familjes evropiane. 

Ministri Xhafaj çmoi punën e deritanishme që Komisioneri ka bërë në lidhje me adresimin e sfidave të Ballkanit Perëndimor, por veçanërisht për mbështetjen e pakursyer që ai ka dhënë për vendin tonë. 

Nga ana tjetër Xhafaj theksoi nevojën për krijimin e Qendrës Rajonale të Përbashkët për Bashkëpunimin Policor, si një instrument për t’iu bërë ballë sfidave të përbashkëta. 

Shqipëria ka patur sukses me masat për uljen e azil kërkimit dhe emëruesi i tyre i përbashkët, është ulja e numrit të azil kërkuesve me rreth 30%, fakt ky që u vlerësua edhe nga Komisioneri. 

"Në lidhje me migracionin e parregullt, autoritetet shqiptare kanë një marrëdhënie shumë bashkëpunuese me homologët grekë, si vendi me prurjet më të mëdha të flukseve migratore gjatë muajve të fundit, por në këtë fushë nevojitet një vëmendje më e madhe e Brukselit për rritjen e kapaciteteve të strukturave tona kufitare", theksoi Ministri Xhafaj. 

Biseda gjithashtu u ndal edhe tek Ministeriali i ardhshëm BE - Ballkani Perëndimor, që do të zhvillohet në 4-5 tetor në Tiranë, për të konkretizuar më tej hapat që duhet të ndërmerren bashkarisht në kuadër të sfidave rajonale.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • xox: 20/06/2018 11:58

    Une jetoj ne kanada dhe i kam pare vetem nga televizori reformat qe jane bere dhe me vjen mire qe kane filluar te zbatohen dhe te ndryshojn menyren e jeteses ne shqiperi.

    Përgjigju
  • Mandi: 20/06/2018 11:57

    Ishte ai lajmi qe i hapen qellimisht per ti keqinformuar shqiptaret qe i prisnin krahe hapur ne gjermani po me politikat e duhura dhe ju pergezoj per kete u rregullua situata

    Përgjigju
  • Lola: 20/06/2018 11:49

    Migracioni eshte nje fenomen qe i ka shoqeruar shqiptaret nder vite po kto 3 vitet e fundit eshte ulur. Une shikoj shoket e mi qe sot nuk duan me te largohen nga vendi si para 3 vjetesh.

    Përgjigju
  • Ari: 20/06/2018 11:42

    Na vjen mire edhe ne qe jetojm jashte shqiperise kur degjojm lajme te mira per vendin tone

    Përgjigju
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Aksident në Bulqizë, shoferi humb kontrollin e automjetit dhe përplaset me kollonën e mbikalimit

Aksident në Bulqizë, shoferi humb kontrollin e automjetit dhe përplaset me kollonën e mbikalimit

16 Janar, 16:50