Receta

Brushtull, gatim tradicional me miell misri dhe spinaq nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 27 Qershor, 12:13 | Përditesimi: 27 Qershor, 12:15

Brushtull, gatim tradicional me miell misri dhe spinaq

Përbërësit:

500 gr miell misri
500 gr spinaq
1 tufë qepë të njoma
1 tufë kopër
1 tufë majdanoz
1 tufë dhjozmë
3-4 hudhra të njoma
3 kokrra vezë
300 gr djathë të bardhë
1 filxhan vaj ulliri
3 lgj gjalpë të tretur
Kripë, piper

Përgatitja:

LEXO EDHE:
Melomakarona, biskota me arra dhe mjaltë të sherbetosura nga zonja Albana

Pastrojmë spinaqin nga gjethet e dëmtuara, e lajmë mirë me ujë të bollshëm dhe më pas e shtypim fort. Shtojmë qepët e hudhrat e njoma të grira hollë, dhjozmën, koprën, majdanozin të prerë imët si dhe vajin e ullirit. Më pas, rrahim vezët në një pjatë dhe i hedhin brenda. Shtojmë djathin e thërrmuar, gjalpin e tretur që të lidhet. Mund të shtojmë edhe pak kripë e pak piper nëse duam. I përziejmë mirë të gjithë përbërësit. Hedhim miellin e misrit ngadalë ngadalë duke e përzier në mënyrë që të ngjeshen të gjitha bashkë dhe të mos na bëhet kokrra kokrra. Në fund hedhim ujë të vakët derisa të formohet një brumë i lidhur si top. Njomim duart me ujë dhe hapim brumin në tepsinë e lyer më parë me vaj ulliri. I thërrmojmë sipër djathë dhe e lyejmë me vaj. E vendosim të piqet në furrë në 180 gradë.

MC/Shqiptarja.com

TAG: