POP 5

Lajmet më të lexuara të 5 minutave të fundit

Ekonomi

BSH: Viti 2014, ekonomia
shqiptare shmang recensionin

Ekonomia shqiptare pritet të ketë një rritje të lehtë gjatë vitit 2014. Kështu janë shprehur ekspertët e Bankës së Shqipërisë, gjatë prezantimit të raportit të Politikës Monetare për 3-mujorin e katërt të vitit 2013.
BSH: Viti 2014, ekonomia<br />shqiptare shmang recensionin
TIRANE- Ekonomia shqiptare pritet të ketë një rritje të lehtë gjatë vitit 2014. Kështu janë shprehur ekspertët e Bankës së Shqipërisë, gjatë prezantimit të raportit të Politikës Monetare për 3-mujorin e katërt të vitit 2013. Arsyeja për këtë është është kryesisht nisma e Qeverisë për të shlyer detyrimet e prapambetura. Gjithashtu, kreditimi i përmirësuar i ekonomisë ka qenë një faktor që ka ndikuar pozitivisht në parashikimin optimist të Bankës së Shqipërisë, për sa i përket parashikimit për rritjen ekonomike gjatë këtij viti.

Nuk mund të anashkalohet as ndikimi pozitiv i përmirësimit të situatës ekonomike të Eurozonës. Një nga burimet e ekonomisë shqiptare janë remitancat, që vijnë kryesisht nga ata shqiptarë që jetojnë në vendet e BE-së. Por nga ana tjetër, edhe investimet më të mëdha në Shqipëri vijnë nga kompanitë e huaja.
 
Kredia
Në lidhje më interesat e kredive në lekë, ekspertët e Bankës së Shqipërisë u shprehën se edhe gjatë vitit 2014 rënia pritet të vazhdojë. Nga ana tjetër, për sa u përket bilanceve të bizneseve dhe të bankave, ato priten të përmirësohen me pagesën e detyrimeve që Qeveria ka ndaj subjekteve private. Vitin e kaluar sipërmarrjet kanë nguarruar të marrin kredi.
 
Investimet
Gjatë 3-mujorit të katërt të viti 2013, për sa i përket biznesit, bankat kanë raportuar se kërkesa për të marrë kredi për investime nga bizneset ka pësuar rënie, ndërsa ka qenë disi më e lartë kërkesa për financimin e kapitalit qarkullues.
 
Vrojtimi
Standardet e kredive të dhëna për bizneset u shtrënguan për 3-mujorin e katërt të vitit 2013. Kjo tregon se kërkesat që duheshin plotësuar nga bizneset për të marrë kredi në banka ishin bërë më të rrepta. Përsa u përket standardeve të kredive dhënë për individët, gjatë 3-mujorit të tretë ato u lehtësuar. Kjo do të thotë se për individët, këkesat që duheshin plotësuar për të marrë kredi nga bankat, ishin më pak të rrepta se më parë. Këto janë rezultatet e të dhënave të Bankës së Shqipërisë nga vrojtimi i aktivitetit kreditues të bankave. Për 3-mujorin e parë të vitit 2014, pritet që të ketë një lehtësim të standardeve të kredisë që u jepet qoftë individëve, qoftë bizneseve.
 

Shkrimi u publikua sot (07.02.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

29 Nëntor, 15:28 nga Eliza Gjediku