POP 5

Lajmet më të lexuara të 5 minutave të fundit

Kronikë

Bujar Leskaj rikthehet në krye të KLSH-së /PRAPASKENAT

Bujar Leskaj do vazhdojë të jetë Kreu i Kontrollit të Lartë të Shtetit deri sa të zëvëndësohet nga një drejtues i ri.

Bujar Leskaj rikthehet në krye të Kontrollit të Lartë të Shtetit. Një lëvizje surprizë, kjo që mesa duket do të trazojë sërish ujërat e politikës, në një kohë që Bujar Leskaj, u largua nga pozicioni i kryetarit të KLSH, edhe pse ligji ja lejonte të qëndronte deri në ardhjen e zëvendësuesit të tij.

Në muajin dhjetor, pas përfundimit të mandatit 7-vjeçar Bujar Leskaj u largua nga ky pozicion, duke ja deleguar kompetencat zëvendës kryetares Lindita Lati (Milo). Por sot me një tjetër vendim, të nxjerrë po nga vetë Bujar Leskaj, ai shfuqizon vendimin për dhënien e kompetencave tek zëvendëskryetarja dhe rikonfirmon rikthimin e tij në detyrë, ndërkohë që prej fundit të vitit të shkuar, Presidenti dhe Kuvendi nuk kanë gjetur dakordësinë për një kandidaturë për tu zgjedhur në këtë post.

Në argumentet e largimit, në vendimin e 22 dhjetorit të 2018, Leskaj theksonte “Vendimi do përcillet në fletoren zyrtare, pasi Kryetari i KLSH-së të kontaktojë dhe të marrë mirëkuptimin e Presidentin të Republikës, Kryetarit të Kuvendit, kryetarëve të grupeve Parlamentare e të opozitës dhe Kryetarit të Komisionit të Ekonomisë dhe Financave”. Pak ditë më vonë, ky vendim u pasqyrua në Fletoren Zyrtare, që mesa duket ka marrë pëlqimin e palëve të sipërcituara e hyri në fuqi.

Por nga ana tjetër, në muajin Janar, në një letër të dërguar nga Presidenti i Republikës drejt KLSH-së, Presidenti Meta i kërkonte Leskajt që të qëndronte në detyrë deri në zgjedhjen e pasuesit.

“Nëse Kontrolli i Lartë i Shtetit do të përfaqësohej nga një funksionar tjetër dhe jo nga kryetari i tij, kjo do ta zhvishte atë nga mbrojtja  kushtetuese dhe ligjore që ka ky institucion dhe në këtë mënyrë do të cenohej integriteti dhe pavarësia e tij. Në këto kushte, mbështetur sa më sipër, Presidenti i Republikës, shpreh vullnetin e tij, se Ju duhet të angazhoheni për të qëndruar dhe ushtruar detyrën e Kryetarit të Kontrollit të Lartë të Shtetit, deri në zgjedhjen e kryetarit të ri”- thuhet në letrën e Presidentit dërguar KLSH-së.

Por edhe pas kësaj letre dhe kërkese nga ana e Presidentit, Bujar Leskaj nuk u rikthye në pozicionin e kryetarit të KLSH. Pesë muaj më pas, kur ende nuk ka një emër të ri për këtë pozicion, Bujar Leskaj me një vendim surprizë vendos rikthimin në krye të KLSH-së. Në vendimin e rikthimit, Leskaj thekson ndër të tjera se kjo lëvizje vjen në kushtet kur ka zgjatje në kohë të nominimit dhe përzgjedhjes së kryetarit të ri të KLSH-së dhe zëvendëskryetarja kërkon të heqë dorë nga kompetencat e deleguara. 

Nga ana tjetër, Presidenti ka propozuar dy herë kandidatura për zëvendësimin e Bujar Leskajt, port ë dyja kandidaturat janë rrëzuar nga ana e mazhorancë. E para ka qenë kandidatura e gjyqtares kushtetuese Vitore Tusha, edhe anëtare e KED-së, e cila u rrëzua nga mazhoranca me argumentin se nuk kishte ekspertizë në fushën e financave  dhe do të ishte një goditje që u bëhej institucioneve të reja të drejtësisë. Si kandidaturë të dytë, Presidenti Meta propozoi këshilltarin e tij, ish-kreun e SHISH, Bahri Shaqirin. Por edhe kandidatura e dytë nuk i plotësonte kriteret sipas mazhorancës, ndaj dhe vijon ende të ketë një ngërç mes palëve dhe asnjë kandidaturë, edhe pse lista e personave që kanë shfaqur interes ka qenë e gjatë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • xxx: 22/05/2019 19:40

    Akoma nuk ka ikur Gozhda

    Përgjigju
  • Pusi Mezinit: 22/05/2019 10:55

    Lajmi i fundit. KLSH VENDOS SOT QË ZYRAT E SAJ PËRFUNDIMISHT TI KETË NË PUS MEZIN VLORË TE ISH SMT. KRYETARI. BUJAR LESKAJ SEKRETARI. SHPËTIM MUKAJ

    Përgjigju
  • teme: 22/05/2019 08:30

    opo pazari eshte te anastas angjeli ..kjo dihet dhe kot bejne sikur mendohen.turp turp qe nga nje ane pretendohet te rriten standartet e shtetit nga ana tjeter bejne sikur skuptohen pazaret qe bejne. duket ne cdo fushe ne shendetesi,,,asnje mjek nuk eshte ne poste drejtuese ne arsim,asnje arsimtar seshte ne poste drejtuese me e forta fare eshte ne OSHEE pothuajse asnje inxhinier seshte ne poste drejtuese po keshtu ne OST po keshtu ne KESH aq sa ne keto tre institucionet e fundit thone...pse duhen inxhiniere ne ost apo kesh apo oshee?!!

    Përgjigju
  • E pa kuptuar: 22/05/2019 06:39

    S’e kuptoj perse nuk nominojne zv kryetaren, me eksperience ne financa, administrat, dok ek, me integritet??. Politikan te nderuar kontrollori i larte i shtetit duhet te jete me i pa anshmi , dhe jashte politikes, boll me pazaret tuaja te pista.

    Përgjigju
  • lexuesi: 21/05/2019 21:58

    Prandaj ishte buza vesh me vesh sot duke shkuar drejt KLSH?! Përveç të tjerave që i ka mbuluar nga të dyja krahët e politikes, si mund t'ja justifikojnë pijen?!

    Përgjigju
  • Berti: 21/05/2019 17:27

    Largojeni sa me shpejt kete fshatar drashovice nga ai institucion. Boll maskaralleqe la bere i pangopuri qe dhe nipin e vrare e kishte trafikant droge.

    Përgjigju
    • Dashi Havase: 21/05/2019 18:05

      Bujar Leshkua eshte figura me e degjeneruar ne krye te nje institucioni shteteror. Nga doganier kusar u be deputet i bandes kriminale PeDe. Hiqeni urgjent kete pacavure se u qelb Shqiperia nga keta palaco

  • Lenci: 21/05/2019 17:07

    Po ne po te prisnim te kandidoje per kreun e Bashkise Vlore

    Përgjigju
    • Kali: 21/05/2019 21:24

      ORGANI ME GJOBEVENES NE SHQIPERI JA KALON SHULLAZIT DHE BAJRAVE ESHTE NJE HEKURAN AVDYLI DHE QEMAL MET WETINGU TE KETA DI SHIKONI QE JA MARRIN GJYQTAREVE DHE DOGANIEREVE

    • navy: 21/05/2019 20:07

      Bujar Leskaj, ishte drejtori më i mirë dhe akoma i vetëm i nderuar i KLSH. Ai kurrë nuk kishte skandale, ku ka shumë pak në 30 vjet të pothuajse vetëm politikanëve të korruptuar të mafias

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dyndje për festat! 'Bien' linjat ajrore amerikane, bllokohen mijëra fluturime

Dyndje për festat! 'Bien' linjat ajrore amerikane, bllokohen mijëra fluturime

25 Dhjetor, 15:55