TIRANË-Tre ditë më parë Partia Demokratike denoncoi se anëtari i KLP-së, Bujar Sheshi ka qenë bashkëpunëtori i Sigurimit të Shtetit. Ndërkohë që denoncimi u konfirmua edhe nga Autoriteti i Hapjes së Dosjeve, që përmes një shkrese theksonte se ka vënë në dijeni dhe Kryeprokuroren Arta Marku (lexo këtu). Por në mbledhjen e sotme të Këshillit të Lartë të Prokurorisë, anëtari Bujar Sheshi e ka mohuar një gjë të tillë duke deklaruar se është një sajesë e ulët, që synon goditjen e reformës në drejtësi.
“Kjo është sajesë e ulët. Synimi i sulmit është bllokimi i reformës në drejtësi dhe vettingut. Unë arrij në përfundimin se synohet që të pengohet reforma në drejtësi, të shfrytëzohet për të goditur vettingun, për ta paraqitur si të motivuar politikisht, por edhe rolin e ndërkombëtareve, që ka mbështetur procesin. Në rastin konkret, nuk synohet vetëm goditja ime si hakmarrje për çështjet që kam gjykuar, por mendoj se synohet goditja e të gjithë institucionit të KLP-së, pasi kemi ardhur në momentin e krijimit të SPAK-ut dhe prokurorit të Përgjithshëm.
Pas këtij veprimi fshihen segmente të caktuara, jo vetëm në njërin krah, por persona me pushtet. Përballë kësaj situate do të kërkoja të gjithë përkrahjen tuaj për të zbardhur të vërtetën dhe zbardhur këtë skenar mafioz. Kërkoj reagimin tuaj për të mbrojtur KLP-në. E ndiej për detyrim që të shpreh qëndrimin tim se refuzoj kategorikisht cdo insinuatë dhe cdo vendimmarrje të institucioneve të shtetit, që unë kam qenë bashkëpunëtor i sigurimit të shtetit. Ju faleninderit dhe iu kërkoj falje për shqetësimin, por nuk mendoja se do të arrinin deri këtu” deklaroi ai. Ndërsa kryetari i Këshillit të Lartë të Prokurorisë, Gent Ibrahimi u shpreh se në ditët në vijim do të vendoset nga institucioni që ai drejton për këtë çështje.
Mbledhja e KLP, me rreth të kuq prokurori Bujar Sheshi
”Ende nuk e kemi administruar zyrtarisht shkresën nga Autoriteti i Dosjeve. Në vijim do të vendosim” tha ai. Anëtari i Këshillit, Seiti u shpreh se KLP-ja nuk duhet të nxitohet për vendimin në lidhje me Bujar Sheshin pa marrë të dhënat zyrtare. Këshilli i Lartë i Prokurorisë në mbledhjen e sotme ka marrë disa vendime, mes tyre shtimin e 9 kuotave në Shkollën e Magjistraturës duke e çuar në 25 numrin për 2019-2020 dhe shkarkimin e gjyqtarit Tom Deda pas denoncimit për korrupsion në një emision investigativ.
Lajme të tjera
-
Gjykata Kushtetuese me 9 anëtarë, Kim: Moment historik për Reformën në Drejtësi
14 Dhjetor 2022, 14:01 -
Betohet në Presidencë anëtari i ri i Gjykatës Kushtetuese: Do i qëndroj besnik Kushtetutës
13 Dhjetor 2022, 12:52 -
Gjykata Kushtetuese bëhet me 9 anëtarë! Begaj dekreton Gent Ibrahimin
7 Dhjetor 2022, 17:34 -
KPK konfirmon në detyrë prokurorin Erion Pano
24 Nëntor 2022, 16:24 -
KED vlerëson 3 kandidaturat për vakancën në Gjykatën Kushtetuese, ja si renditen 3 emrat që i dërgohen presidentit
28 Tetor 2022, 18:13 -
Kandidatë për gjyqtarë në Kushtetuese, KED lejon kandidimin e Ardian Dvoranit dhe Gent Ibrahimit
15 Tetor 2022, 11:41 -
PD dhe PS sërish pa dakordësi, shorti zgjedh Arta Madron si anëtare të KLP! Emri kalon për votim në seancën plenare
19 Shtator 2022, 11:41 -
Gara për gjyqtar në Gjykatën Kushtetuese, KED cakton ekspert kontabël për verifikimin e pasurisë së Gent Ibrahimit! Besnik Dervishi tërhiqet
18 Shtator 2022, 13:19
-
Këshilli i Emërimeve në Drejtësi jep ‘ok’ për kandidimin e Arta Markut dhe Gent Ibrahimit për në ‘Kushtetuese'
11 Gusht 2022, 15:50
-
Lirimi nga burgu i të riut që vrau policin në Lezhë, KLP rrëzon kërkesën e ILD për procedim disiplinor ndaj dy prokurorëve
24 Shkurt 2022, 14:52
-
Arritjet dhe pritshmëritë, KLGJ dhe KLP në mbledhjen e përbashkët vjetore të parë! Ibrahimi-Llagami: Më shumë bashkëpunim! Harta e re gjyqësore, sfidë
29 Dhjetor 2021, 10:24
-
ILD nis hetim disiplinor për 3 anëtarë të KLP-së! Prokurori: Gjueti shtrigash sepse jemi kandidatë potencial për 't'i zënë vendin' Gent Ibrahimit
20 Tetor 2021, 20:43
