Receta

Bukë me hudhra, gjalpë dhe rigon nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 8 Maj, 11:44 | Përditesimi: 8 Maj, 11:50

Bukë me hudhra, gjalpë dhe rigon

Përbërësit:

3 gota miell
1 gotë qumësht
1 gotë ujë
1 lugë maja e thatë
1 lugë sheqer
1 lugë kripë
1 kokërr vezë
3 lugë gjalpë
2 lugë hudhër të grirë imët
1 lugë rigon
Djathë të butë pice

Përgatitja:

LEXO EDHE:
Pulë me oriz në furrë nga zonja Albana

Përgatisim fillimisht majanë duke e vendosur në një enë me ujin dhe qumështin e ngrohtë ku shtojmë sheqerin dhe kripën. E trazojmë mirë, shtojmë vezën dhe më pas miellin gradualisht. E punojmë mirë brumin e bukës me duar. E lyejmë me gjalpë dhe e lëmë të pushojë mbuluar me një pecetë në një vend të ngrohtë që të vijë. Ndërkohë që brumi dyfishohet grijmë imët hudhrat dhe i trazojmë me rigonin dhe rreth dy lugë gjalpë të temperaturës së ambjentit. Pasi brumi të ketë ardhur e punojmë mbi tyrezën e punës dhe hapim një petë të trashë duke i dhënë formë katrore. E lyejmë të gjithë sipërfaqen me salcën e aomatizuar dhe në fund e spërkasim me djathin e grirë. E presim petën në disa kuadrate të cilat i vendosim njëra mbi tjetrën në një tepsi duke realizuar një bukë si të prerë në feta. E lëmë përsëri të pushojë dhe më pas e vendosim në furrë të parangrohur në temperaturën 180 gradë Celsius. Sapo e nxjerrim nga furra ashtu të ngrohtë e lyejmë me furçë me pak gjalpë dhe e servirim.

MC/Shqiptarja.com

TAG: