POP 5

Lajmet më të lexuara të 5 minutave të fundit

Kronikë

Bulevardi, Bozdo: Rama po
del mbi vendimet e gjykatave

Nënkryetari i Bashkisë Eno Bozdo, në një deklaratë për mediat ditën e djeshme, ka akuzuar kryeministrin Edi Rama, për pezullimin e punimeve të bulevardit të ri të Tiranës.
Bulevardi, Bozdo: Rama po<br />del mbi vendimet e gjykatave
TIRANE- Nënkryetari i Bashkisë Eno Bozdo, në një deklaratë për mediat ditën e djeshme, ka akuzuar kryeministrin Edi Rama, për pezullimin e punimeve të bulevardit të ri të Tiranës. Bozdo e ka quajtur të paaftë dhe të verbuar nga xhelozia kreun e qeverisë për ndalimin e një projekti kaq të rëndësishëm për të gjithë banorët e kryeqytetit. “Mercenarët e tritolit faktuan dje se pas urdhërit politik për bllokimin e bulevardit, qëndron shefi i tyre Edi Rama.

Kjo bandë e tritolit e komanduar nga Edi Rama që shkatërroi qindra objekte prone private, që la pa shtëpi qindra familje në mënyrë antiligjore dhe jo njerëzore, mori përsipër dje të dalë mbi Gjykatën Kushtetuese, gjykatën supreme të vendit. Ky është një veprim xheloz i një kryeministri të paaftë, që ka vendosur të kryejë çdo funksion në këtë vend, përveç atij për të cilin është mandatuar.”, u shpreh Bozdo. Sipas nënkryetarit të Bashkisë, me vendimin e djeshëm Rama ka bërë hapa prapa duke na rikthyer në kohët e errëta të para viteve 90, duke urdhëruar “në emër të popullit”, pezullimin e punimeve të bulevardit.

Bozdo i ka bërë thirrje kreut të ekzekutivit Rama, të tërhiqet nga sulmet ndaj Bashkisë dhe të mos bëjë si i shqetësuar për qytetarët që vetë nuk do t’i rrisë vlerën e kompensimeve. “Nëse do të ishte vërtet i shqetësuar për qytetarët, ai ka të gjithë atributin ligjor për të ndryshuar çmimin e tokës, që është e drejtë eskluzive e qeverisë. Nëse do të ishte vërtet i shqetësuar për qytetarët, nuk do të bllokonte për dy muaj buxhetin e bashkisë.

Nëse do të ishte vërtet i shqetësuar për qytetarët, nuk do të bllokonte shpronësimet për varrezat. Nëse do të ishte vërtet i shqetësuar për banorët, nuk do të bllokonte kreditë për të pastrehët si dhe vendime të tjera që bien në kundërshtim me interesat e tyre”, përfundoi nënkryetari i Bashkisë. Vendimi për bllokimin e punimeve të Bulevardit të Ri të Tiranës, u mor ditën e djeshme nga Inspektoriati Ndërtimor Urbanistik, me pretendimin e ankesave të shumta nga ana e qytetarëve për çështjen e shpronësimeve.

Në mbështetje të vendimit të marrë nga INUK, reagoi edhe Prefektura e Tiranës, e cila theksoi se punimet duhet të ndërpriten për aq kohë sa nuk është verifikuar i gjithë dokumentacioni për çështjen e shpronësimeve, që po kthehen në një konflikt social.

Shkrimi u publikua sot (08.03.2014) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

Hyn në fuqi vendimi! Bonusi i fundvitit tërhiqet nga java e dytë e dhjetorit deri në fund të 2025-ës

29 Nëntor, 15:28 nga Eliza Gjediku