Bulevardi i Ri në kryeqytet është pushtuar nga qytetarë pa asnjë masë mbrojtëse pasditen e ditës së sotme edhe pse lëvizja e qytetarëve është e lejuar deri në orën 17:30. Ata kanë preferuar të shfrytëzojnë kohën e mirë dhe të dalin shëtitje me të afërmit e tyre apo shoqërinë.

Pas pak policia ka mbërritur në bulevard që të mundësojë largimin e tyre, pasi ata kanë thyer rregullat e vendosura. Ata gjithashtu kanë marrë edhe fëmijët e tyre të mitur me vete duke vënë në rrezik jetën e tyre.

Tirana është zonë e kuqe për shkak se ka numrin më të madh të personave aktivë me COVID-19 në të gjithë vendin, plot 70 persona dhe të infektuar ka 366 deri më tani.