POP 5

Lajmet më të lexuara të 5 minutave të fundit

Sociale

Bulevardi i Tiranës, nis sot
konkursi për projektin e ri

Shtatë studio arkitekturore do të paraqesin sot projektet e tyre, për zgjatimin e Bulevardit dhe rehabilitimin e lumit të Tiranës. Këto studio do të sjellin dhe një masterplan për rehabilitimin e lumit të Tiranës, prej 6.7 km dhe zhvillimin e zonës përreth. (Në foto: Nënkryetarja e bashkisë, Jorida Tabaku sot në konferencë për shtyp)
TIRANË - Shtatë studio arkitekturore do të paraqesin sot projektet e tyre, për zgjatimin e Bulevardit dhe rehabilitimin e lumit të Tiranës. Në Akademinë e Arteve, studiot arkitekturore si DAR Group Turkey & United Kingdom, Ëest 8 – The Netherlands, Albert Speer & Partners – Germany, Cino Zucchi Architetti – Italy, Gerkan, Marg & Partners – Germany, Kees Christianse & Partners – The Netherlands, Grimshaë Architects – United Kingdom, do të prezantojnë masterplanet për zgjatimin e Bulevardit, deri tek lumi i Tiranës, me gjatësi 1.7 km dhe për zhvillimin e sipërfaqes përreth saj, prej 132.8 ha.

Këto studio do të sjellin dhe një masterplan për rehabilitimin e lumit të Tiranës, prej 6.7 km dhe zhvillimin e zonës përreth.
Shtatë studiot arkitekturore do të paraqesin dhe propozime për zhvillimin e zonës, nga lumi i Tiranës deri në Paskuqan, përfshirë edhe zgjatimin e Bulevardit si dhe për zhvillimin e Kodrave të Paskuqanit.Projekti më i mirë do të përzgjidhet nga një juri me personalitete të njohura.

JURIA, BASHA NË KRYE
Kryetar i Jurisë është Kryetar i Bashkisë së Tiranës, ndërsa në përbërje të jurisë do të jetë: Giles Robin Dolphin ish-Kryeurbanist në Londër dhe Autoritetin e Lartë; Filip Rode drejtor ekzekutiv i Shkollës Ekonomike në Londër për Qytetet dhe i Shoqërisë së Kërkimeve të Larta; Daniel Libeskind, Krye Arkitekti i Studios “Daniel Libeskind” në SHBA; Prof. Dr. Sarah Ëhiting, dekane e Shkollës së Arkitekturës në Universitetin Rice SHBA; Prof. Dr. Agron Lufi, Pedagog në fakultetin e Arkitekturës, në Universitetin e Tiranës; Apollon Bace, Drejtor i Institutit të Monumenteve të Kulturës; Flamur Kuçi, Këshilltar i Kryeministrit Berisha dhe urbanist i njohur; Ulrike Bega, Këshilltare e Kryetarit të Bashkisë, Shqipëri.
(aq/shqiptarja.com)

/Shqiptarja.com
  • Sondazhi i ditës: 16 Janar, 08:35

    Dhëndri i Trump investitor strategjik për resort në Sazan, si iu duket?

Lajme të tjera



×

Lajmi i fundit

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

Sondazhi/ Nëse votohet sot, PS merr më shumë se 50% të votave, mazhoranca më e pëlqyer në emigracion

16 Janar, 22:52