Bullgaria sekuestron heroinë me vlerë 8.5 milionë euro

Bullgaria sekuestron heroinë me vlerë 8.5 milionë euro

Zyrtarët bullgarë të doganës njoftuan se kanë sekuestruar 403 kilogramë heroinë, të zbuluara në një kamion me targa turke, i cili udhëtonte nga Irani drejt Evropës Perëndimore.

618 pakot e drogës ishin fshehur brenda 156 dyshekëve të deklaruar zyrtarisht që transportonte kamioni. Sipas vlerësimit zyrtar, droga e kapur ka një vlerë prej rreth 8.5 milionë eurosh.

Kamioni u konfiskua në pikën e kontrollit “Kapitan Andreevo” në kufirin me Turqinë, tha të shtunën prokurori rajonal i Haskovës, Ivan Stojanov. Mendohet se droga e kishte origjinën në Iran, me destinacion për shpërndarje në disa nga 27 vendet e Bashkimit Evropian, tha ai. Shoferi turk i kamionit u arrestua dhe mund të përballet me 20 vjet burg nëse gjendet fajtor nën akuzat e trafikimit të drogës.

Bullgaria, e cila gjendet në një rrugë të trafikimit të drogës nga Lindja e Mesme për në Evropën Perëndimore, vitet e fundit ka ndërmarrë hapa madhorë për të goditur trafikun e drogës./ VOA

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Tiranë/ I kërkuar nga Italia për organizatë kriminale dhe trafikim narkotikësh, arrestohet 38-vjeçari

Tiranë/ I kërkuar nga Italia për organizatë kriminale dhe trafikim narkotikësh, arrestohet 38-vjeçari