POP 5

Lajmet më të lexuara të 5 minutave të fundit

Opinion

Ylli Pata: Bumerangu i tymit politik që nisi nga Tik Llalla

Deputeti Nallbati ndoshta se di, ka mundësi edhe Saljanji, por tymi në Kuvendin e Shqipërisë, ka nisur për të mbajtur në postin e Kryeprokurorit Adriatik Llallën. Bëhet fjalë në dhjetorin e vitit 2017, kur Lulzim Basha nuk ishte armik, e mandatet nuk ishin djegur

Ylli Pata: Bumerangu i tymit politik që nisi nga Tik Llalla

Deputeti Nallbati ndoshta se di, ka mundësi edhe Saljanji, por tymi në Kuvendin e Shqipërisë, ka nisur për të mbajtur në postin e Kryeprokurorit Adriatik Llallën. Bëhet fjalë në dhjetorin e vitit 2017, kur Lulzim Basha nuk ishte armik, e mandatet nuk ishin djegur. Por situata ishte pak a shumë kështu; vonesa në zgjedhjen e KLP-së Këshillit të Lartë të Prokurorisë bëhet fjalë, kërkonte një zgjidhje. Pasi KLP do të zgjidhte SPAK. Amerikanët e OBDAT dhe europianët thanë: zgjidhni një Prokuror të Përgjithshëm të Përkohshëm. 

Adriatik Llallës i mbaronte mandati por PD dhe LSI kërkoi që të zgjdhte Tikun si PPP. Mazhoranca tha jo. E aty nisi sherri. Madje edhe në panele. Llalla solli stresin, gishtin e mesit, ndarjen në panele e ndarjen e deputetëve. Por në fund, Tiku nuk zgjidhej më. U zgjodh Arta Marku. Në atë seancë u dogj Kuvendi me flakadanë dhe çizme që Monika Kryemadhi i hodhi Edi Ramës. Siç i hodhi sot Flamur Noka po Edi Ramës.

Po në thelb si çizmja e Monikës, si flakadani i sotëm, nuk i drejtohej Edi Ramës. Por opozitës. O të mbrojmë Berishën e Metën o s’ka opozitë. Si s’ka? S’ka! Si do bëjmë? Ça do bëjmë s’kemi ç’bëjmë në parlament! Të djegim mandatet? Po i djegim o burrë ca na duhen! E mirë. i dogjëm!

Po pse atëherë Lulzim Basha është fajtor në djegien e mandateve, kur ai, i shkreti, ndoshta edhe i futi në kurth, por i tha si mendoni? Sepse si Sali Berisha si Ilir Meta nuk kanë më alternativë e strategji, ata mendojnë vetëm një taktikë s itë ndalojnë SPAK. Qoftë me bomba, qoftë me tymuese. Por a e ndalojnë dot? SPAK jo, por duan të mbajnë në linjë një grup mbështetësish, që më shumë se votues, janë ndjekës, qoftë edhe në Tik Tok.

Logjika e bombave tymuese nuk është e re, u përdor edhe nga Albin Kurti, Ramush Haradinaj, kur ishin në opozitë me qeverinë e Isa Mustafës dhe Hashim Thaçit. Por ata kishin një kauzë, më saktë dy. Demarkacioni dhe Zajednica. Demarkacionin e miratoi Ramushi sa erdhi në qeveri dhe Zajednicën Albin Kurti e bëri më autonome se Isa. Bombat ju kthyen në një bumerang që sipas të gjitha gjasave, Vetëvendosje nuk ka më kauzë politike në Kosovë dhe është një kufomë në kuptimin e plotë të fjalës. Po këto që hedhin bomba në Kuvendin e Shqipërisë çfarë kauze kanë?/ Tema

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46