Prostitucion në Itali, dibrani nën hetim për pastrim parash, i sekuestrohet 'Benz-i' 20 mijë €

Policia ka nisur hetimin pasuror për 24-vjeçarin Florjan Zeqja, i cili është dënuar në Itali me 6 vite burg për shfrytëzim prostitucioni. I riu u arrestua nga Policia e Dibrës më 25 prill të këtij viti, ndërsa i është sekuestruar dhe një automjet me një vlerë rreth 20 mijë euro.

Nga hetimet dyshohet që mjeti i tij tip ‘Mercedez Benz – CLS’ të ketë ardhur si rezultat i veprimtarive kriminale, ndërsa vijon hetimi për të gjitha pasuritë që ka 24-vjeçari ose që mund të ketë fshehur.

Njoftimi i policisë:
Ka nisur hetimi pasuror në ngarkim të shtetasit Florjan Zeqja i cili është kapur në datën 25.04.2018, nga Policia e Dibrës,  për llogari të shtetit Italian. I sekuestrohet një automjet me një vlerë rreth 20.000 Euro.

Specialistët e Sektorit për Hetimin e Narkotikëve dhe Trafiqeve në Drejtorinë Vendore të Policisë Dibër, në vijim të punës për identifikimin dhe sekuestrimin e pasurive të vendosura si rezultat i veprimtarive kriminale, ka nisur procedimi  pasuror  në ngarkim të shtetasit :

Florjan Zeqja,  24 vjeç, banues në Maqellarë-Dibër, i cili është kapur në datën 25.04.2018, nga forcat e Drejtorisë së Policisë Dibër,  për llogari të shtetit Italian, i dënuar me  6 vjet burg, për veprën penale "Shfrytëzim prostitucioni".

Sektori për Hetimin e Narkotikëve dhe Trafiqeve,  ka sekuestruar automjetin tip “Mercedez Benz - CLS”  me targa  AA 010 TK, që kap vlerën rreth 20.000 Euro, në pronësi të shtetasit F.Zeqja, ku dyshohet se kjo pasuri ka ardhur si rezultat i veprimtarive kriminale, të kryera nga shtetasi i lartëpërmendur.

Vijon hetimi pasuror për të gjitha pasuritë që ka, ky shtetas ose që mund t'i ketë fshehur. Materialet proceduriale do t'i referohen Prokurorisë Pranë Gjykatës së Shkallës së Parë Dibër, për veprën  penale “Pastrim produktesh të veprës penale”,   parashikuar nga neni 287, I  Kodit Penal.

/Shqiptarja.com

TAG:
• florjan zeqja
• shfrytezim prostitucion
• hetim pasuror