Rreth 150 banorë të Burkina Fasos në Afrikë kanë sulmuar parlamentin e kryeqytetit, në shenjë proteste për të mos lejuar presidentin Blaise Compaore të zgjasë më tej sundimin e tij 27-vjeçar.

Ushtria ka hapur zjarr dhe gaz lotësjellës në përpjekje për t’i parandaluar ata të futen në ndërtesën qeveritare, por arritën të thyejnë kordonin e sigurisë duke u futur në parlament duke djegur dokumente dhe pajisje kompjuterike.


Ky i fundit ka miratuar një amendament kushtetues që lejon presidentin Compaore të garojë në zgjedhjet e vitit të ardhshëm i cili e ka marrë pushtetin që në vitin 1987 me anë të një grushti shteti dhe që nga atëherë ka fituar në mënyrë të diskutueshme zgjedhjet e mbajtura 4 herë.

Kjo protestë vjen pas thirrjeve të opozitës për një organizimin e një fushte të mosbindjes civile duke kërkuar largimin e tij vitin e ardhshëm.

Blaise Compaore
 
Redaksia Online