Fëmijët e fshtit Mallunxë çdo ditë rrezikojnë jetën pasi dy ura që lidhin rrugën nacionale Klosin me Burrelin janë një kalimëshe, ndërkohë që makinat vijnë me shpejtësi të madhe dhe nuk kanë mundësi shmangie të këmbësorëve pasi urat janë shumë të ngushta.
 
Nga ana tjetër edhe këto ura janë të dëmtuara dhe nuk kanë barriera anësore.
 
Banorët e zonës të cilët i dërgojnë fëmijët e tyre në shkollën fillorë Zall-Shoshaj u rrezikohen çdo ditë, ata kërkojnë që kjo situatë të zgjidhet sa më parë dhe jo të priten fushatat elektorale siç ndodh rëndom në zonat e tyre.
 
“Këta fëmijë vijnë nga shkolla vetëm kur i shoqërojmë 2-3 vetë sepse ura këtu dhe ura matanë janë pa bordura. Ja ku është pusi me ujë, fëmijët tremben nga uji dhe shkon e bie në shkëmb që është 50 metra i lartë”.
 
“I kërkojmë bashkisë, demokrate, socialiste sido që të jetë që të bëjë ndonjë punë pa ardhur fushata, se kur të vijë fushata nuk do votojmë dhe të mos na vijë njeri për mbledhje pa bërë punë”
 
“Ministri i transportit 100 herë ka kaluar në këtë rrugë dhe e ka parë, por se ka kthyer kokën për të parë urën, për fëmijët më shumë se janë gjynah sepse shkojnë në shkollë më shoqërues”, shprehen ata.
 
Në këtë aks rrugor ka mungesë totale të sinjalistikës rrugore, çka ka bërë që disa banorë të dëmtohen nga makinat të ndryshme, por fatmirësisht pa pasoja.

Redaksia Online
Al.N/Shqiptarja.com