Bushi publikon listën e U-21: Përballja me Turqinë deçizive, nëse humbasim ...

Trajneri i Kombëtares së 21-vjeçarëve Alban Bushi ka publikuar sot listën e futbollistëve të grumbulluar për ndeshjet e radhës së kuqezinjve. Më 7 qershor shpresat luajnë në transfertë kundër Turqisë për eliminatoret e Europianit, ndërsa me datë 9 dhe 11 qershor do të jenë dy sfida miqësore kundër Uellsit.

Nga 25 futbollistë të grumbulluar 4 janë debutues. Bëhet fjalë për Patrik Bardhin e Kastriotit, Serxho Kalaj i Lazio-s,  Blerton Sheji i Strugës dhe mbrojtësi i Skënderbeut, Jorgo Pullumbi. Ftesë për 3 ndeshjet e radhës ka marrë edhe talenti i Cheivos, Angelo Ndrecka, që së fundmi ka debutuar në “Seria A”.

Për ndeshjen me Turqinë, që është edhe më e rëndësishmja, trajneri Alban Bushi ka deklaruar:

“Realisht kemi zhvilluar dy ndeshje dhe kemi vetëm 1 pikë. Tani kemi sfidën e tretë dhe nqëoftëse nuk marin një rezultat pozitiv objektivat apo shpresat tona për të zënë një vend të parë ose të dytë do të jetë shumë të pakta. Turqit i njohim dhe shpresat për një rezultat të mirë janë të barabarta.”

Kombëtarja  U-21 është pjesë e Grupit 3 në eliminatoret e Europianit dhe ka vetëm 1 pikë pas dy ndeshjeve. Ndërkohë Turqia dhe Andora që mbajnë respektivisht vendin e parë dhe të dytë kanë zhvilluar vetëm nga një takim, ndërsa Austria, Anglia dhe Kosova ende nuk i kanë nisur sfidat e tyre.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Arrestimet në bashkinë e Tiranës, deputeti socialist në 'Frontline': Ja lumsha SPAK-ut, të korruptuarit atje ku e meritojnë

Arrestimet në bashkinë e Tiranës, deputeti socialist në 'Frontline': Ja lumsha SPAK-ut, të korruptuarit atje ku e meritojnë