POP 5

Lajmet më të lexuara të 5 minutave të fundit

Ekonomi

Buxheti 2014, 2.8% e PPB-së
për shlyerje detyrimesh

Kryeministri Rama do të mbledhë sot paradite Këshillin e Ministrave, ku pritet të miratohet buxheti për vitin 2014, i cili do të shoqërohet edhe me paketën fiskale.
Rama: Administrata të ndahet nga politika
Buxheti 2014, 2.8% e PPB-së<br />për shlyerje detyrimesh
TRIANE-  Miratimi i projekt-buxhetit nga Qeveria që pritej ditën e djeshme është shtyrë për të hënën. Lajmin e kanë bërë të ditur burime nga Kryeministria. Ndërkohë hulumtime të mëtejshme të projekt-buxhetit theksojnë gjithmonë e më shumë faktin se Qeveria ka parashikuar të ulë shpenzimet dhe të rrisë të ardhurat, kryesisht duke fortifikuar një sistem efikas të mbledhjeve të tatimeve. Gjithashtu, prioritet për buxhetin e vitit 2014 është edhe ulja e borxhit. Drafti i buxhetit është përpiluar në bashkëpunim të ekspertëve të FMN-së dhe Bankës Botërore.
 
Të ardhurat
Në bazë të projekt-buxhetit të ardhurat priten të jenë rreth 360 miliardë lekë. Të ardhurat nga nga sektori i doganave dhe tatimeve, priten të jenë sa 18% e PBB-së. Në raport me vitin 2013, pritet një rritje me rreth 14% për sa i përket të ardhurave të mbledhura nga këto sektorë. E marrë në vlerë absolute në raport me buxhetin e vitit 2013, në këtë projekt-buxhet të ardhurat nga akciza me 37%, nga  TVSH-ja priten të rriten me 11%, dhe nga tatimet me 50%. Nga ana tjetër sistemi i ri fiskal do të bëjë që të ardhurat nga tatimi individual të bien me 6% nga sa është aktualisht. Ndërkaq, të ardhuarat nga tatimi i bizneseve të mëdha priten të rriten nga 10%, që është aktualisht, në 15%
 
Shpenzimet
Në këtë projekt-buxhet, deri më tani, pritet që shpenzimet të kapin shifrën 460 miliardë lekë. Kjo e bën gjithmonë e më të rëndësishëm marrjen e huasë nga Banka Botërore. Ndërkohë këto shpenzime do të kryehen kryesisht në sektorë që ndihmojnë në rritjen e mirëqënies sociale. Për shpenzimet në lidhje me sigurimet shoqërore e shëndetësore, pritet një rritje prej 6.4%, ose e shprehur në vlerë monetare 8.1 miliardë lekë.
 
Borxhi
Duke qenë se shpenzimet priten të tejkalojnë të ardhurat, detyrimisht deficiti buxhetor parashikohet të rritet. Sipas projekt-buxhetit pritet që deficiti-buxhetor të arrijë deri në 12 miliardë lekë ose e thënë ndryshe 14% e PPB-së. Në krahsim me vitin 2013 deficiti buxhetor do të jetë më i lartë. Ndërkaq, 2.8% e PPB-së do të përdoret për të shlyer detyrimet ndaj sipërmarrjeve. Në vlerë monetare, fondi për shlyerjen e detyrimeve të prapambetura pritet të jetë 39 miliardë lekësh. Nga kjo shumë 22.8 miliardë do të jenë për detyrime në sektorin e infrstrukturës.
 
 Shkrimi u publikua sot (14.12.2013) në gazetën Shqiptarja.com (print)

Redaksia Online
(d.d/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04