Buxheti 2019/ Ahmetaj: Është forcuar ekonomia, janë rritur eksportet vendase 15.4 %

Ministri i Financave dhe Ekonomisë, Arben Ahmetaj diskutoi këtë të hënë në Komisionin e Ekonomisë, relacionin për projekt buxhetin e vitit 2019. Gjatë mbledhjes së ditës së sotmë ministri Ahmetaj u shpreh se buxheti 2019 do të mbështesë konsolidimin e mëtejshëm të reformave të ndërmarra që promovojnë rritjen ekonomike dhe punësimin. Ahmetaj tha se qeveria ka parashikuar këtë herë rimbursim për kompanitë e mëdha të cilat kanë akumuluar para për shkak të investimeve.

Lëvizja e kurseve të këmbimit i referohet përmirësimit të fondamenteve ekonomike të Shqipërisë. Është forcuar besimi tek aktorët vendas ekonomik, tek ekonomia e vendit dhe monedha vendase. E dyta, janë rritur eksportet me 15.4 % nënmujore. E treta, është turizmi, pra eksporti i shërbimeve rritur konsiderueshëm po me dy shifra. Kjo në njëfarë mënyre ndikon që Shqipëria të influencojë në tregjet e huaja. Une i referohem një rritje të ritmit  të rritjes ekonomike me 6.7 % , që do të thotë që në çdo lloj përllogaritje është një rritje normale në çdo parashikim të GDP-së. Kemi planifikuar një lloj rritje për rimbursimet ekonomike vitin tjetër për kompanitë e mëdha, të cilat kanë akumuluar shuma të mëdha për shka të investimeve. Me TVSH duhet të jemi të kujdesshëm pasi është brenda tatimeve indirekte dhe më i mirë në kontributet e buxhetit të shtetit. Rekomandoj zero përjashtime nga TVSH. Asnjë gjobë ndaj subjekteve që bëjnë gabime në llogarinë e xhiros.

Ministri i Financave dhe Ekonomisë, Arben Ahmetaj

Gjithashtu, ministri Ahmetaj sqaroi se sa i përket objektivit të politikave fiskale ajo do të vijojë të orientohet drejt konsolidimit fiskal, për të ndikuar në uljen e borxhit publik.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Pritet konferenca e parë ndërqeveritare, mendoni se Shqipëria bëhet anëtare e BE në një kohë të shkurtër?



×

Lajmi i fundit

John

Shpërthime të fuqishme në Mykolaiv