Rreth 11 miliardë lekë është parashikuar të përfitojë Ministria e Bujqësisë nga buxheti i shtetit për vitin 2020. Kjo shifër është 1.1 miliardë lekë më e lartë se buxheti i fillestar i këtij viti. Për vitin e ardhshëm në fokus të kësaj ministrie do të jenë fermerët dhe mbështetja e tyre me fonde. Por për ish-ministrin e Bujqësisë Edmond Panariti ky buxhet është i pamjaftueshëm.
“Ky buxhet është tërësisht i pamjaftueshëm për të plotësuar kërkesat për subvencion të fermerit dhe për rrjedhojë do ta vërë atë në një pozicion akoma më të rënduar përballë konkurrencës, se nuk është se prodhojmë vetëm ne; prodhojnë edhe fqinjët, meqë subvencionohen rëndë dhe ata prodhojnë me kosto shumë më të ulët se ne” tha Panariti.
Të njëjtin qëndrim mban edhe Kryetari i Këshillit të Agrobiznesit Shqiptar Agim Rrapaj, i cili kërkon që ky buxhet të rishikohet dhe të mbështetet më tepër bujqësia.
“Nuk besoj që do të zgjidhë të gjithë problematikën që ne kemi për vitin që vjen. Prandaj është domosdoshmëri që të rishikohet dhe në proces të japim edhe ne mendimet tona se ku duhet rishikuar. Ne presim më shumë financim dhe më shumë buxhet përsa i përket çështjes së kooperimit. Elementi i dytë i rëndësishëm është ai sa i përket mbështetjes së fermerit dhe për asistencën. Nuk është i mjaftueshëm” deklaroi Rrapaj.
Ndërkohë ish ministri Panariti ka një sërë sugjerimesh për qeverinë, për të zhvilluar këtë sektor ekonomik duke filluar nga rimbursimi i karburantit.
“Së pari, duhet rikthyer edhe një herë masa e rimbursimit të TVSH-së 20%, të paguajë fermeri me kosto fikse për çdo dynym dhe hektarë, të pluguar, diskuar, frezuar dhe të mbjellë aq sa ka mundësi për ti rimbursuar naftën, që ti shkojë të paktën 1 mijë lekë (të vjetra) litri i naftës. Kjo ul kostot dhe ai do të jetë më efektiv në prodhim. E dyta, mbroje nga konkurrenca e pandershme e importit. Këtu nuk jemi për luftë politike, duhet të kemi një pakt për të mbajtur fshatin të populluar, për të mbajtur fermerin lidhur me tokën” u shpreh ish ministri i Bujqësisë.
Paraprakisht, në ndryshimet fiskale të propozuara në sistemin e taksave, nuk parashikohet rimbursim i naftës pavarësisht se ky është një nga premtimet e ministrit Bledi Çuçi dhe një nga kërkesat e fermerëve.
Komente
Lajme të tjera
-
Akti Normativ/ Punonjësit me paga të ulta në administratë do marrin shpërblim! Qeveria i jep kredi Albcontrol, shkurton fondet për institucionet
21 Dhjetor, 14:34
-
Murtaja Afrikane e Derrave në Shëngjin, del nga karantina pas 21 ditësh zona e Malit të Rrencit! Ministria: Nga 25 nëntori s'ka asnjë rast të ri
16 Dhjetor, 15:31 -
Nafta për fermerët, deri në fund të gushtit subvencioni arriti 3.9 milionë euro
5 Dhjetor, 07:50 -
Tregtimi i vajit ekstra të virgjër në vend, kreu i shoqatës së Agro-Biznesit: Nuk ka fabrika për ambalazhimin e qelqit dhe depozita inoksi për ruajtjen e vajit
29 Nëntor, 13:36 -
Ministria e Bujqësisë: Nuk ka raste të reja të gripit të shpendëve, aktiviteti tregtar i rikthehet normalitetit
19 Nëntor, 15:56 -
Gripi i shpendëve, Ministria e Bujqësisë: Asnjë person i prekur! Gjatë fundjavës u monitoruan 2304 ferma me rreth 97 mijë shpendë
4 Nëntor, 09:36 -
Buxheti për Bujqësinë rritet vetëm me 6,7 milionë euro më 2025-ën, në rënie financimi i huaj
3 Nëntor, 16:47
-
Zbulohet vatër e gripit të shpendëve në Tiranë! Ministria: Vatra u karantinua! Ndalohet lëvizja e shpendëve nga fermat Vorë dhe Kamëz
2 Nëntor, 09:28 -
Skema Kombëtare e Investimeve për fermerët, Veliaj: Aplikoni deri më 8 Nëntor për të përfituar falas pajisje që lehtësojnë punën tuaj
8 Tetor, 16:21 -
Hyn në fuqi skema e re 5 mln euro për bujqësinë, shteti grant 50% të investimit në serat diellore! Financim për rrjetat anti-breshër kush mbjell mbi 1 hektar
27 Shtator, 22:26
-
Ministria e Bujqësisë kërkon 2 mln euro garanci sovrane për fermerët! Sektori më i nënfinancuar punëson mbi 565 mijë persona
21 Shtator, 07:44
-
Vendimet e qeverisë/ Miratohet 'Skema Kombëtare e Investimeve në ferma', Denaj: 50 % grant për fermerët, aplikimet nisin nga 1 tetori
18 Shtator, 12:21
FOLI DHE KOVACI...ke pas zanat te mire mor qen...
PërgjigjuSygjerimi i Prof. Panaritit per sumvencionimin e bujqesise eshte shume i drejte ,por baza per rritjen e te ardhurave eshte bursa bujqesore dhe ulja e cmimit te naftes per punimet e tokes nga makinerite. Per te eleminuar abuzimin te ipet 20% i cmomit te naftes ne dore fermerit .Qeveria te shohe dhe abuzimet me cmimet nga grumbulluesit si dhe te shkohet ne kontrata te firmosura para mbjedhjes se pridukteve bujqesore
Përgjigju