POP 5

Lajmet më të lexuara të 5 minutave të fundit

Ekonomi

Buxheti e marrëdhënia e re, më 3
dhjetor vjen në Tiranë misioni i FMN

Ministria e Financave, më datë 3 dhjetor do të presë një mision nga Misioni Monetar Ndërkombëtar ku do të zhvillohen dhe bisedime të ndryshme për financat.
Buxheti e marrëdhënia e re, më 3<br />dhjetor vjen në Tiranë misioni i FMN
TIRANE - Ndërkohë që po pritet me ditë që të dorëzohet analiza përfundimtare e audituesve të “Deloitte & Touche” për borxhin publik shqiptar, në Tiranë pritet të “zbarkojë” një mision i nivellit të lartë i Fondit Monetar Ndërkombëtar. Sipas burimeve nga Ministria e Financave, më datë 3 dhjetor pritet që titullarë të këtij dikasteri të nisin takimet me përfaqësues të FMN.

Sipas tyre, krahas diskutimeve për termat e buxhetit të vitit të ardhshëm, do të diskutohet edhe për vendosjen e një marrëveshje të re mes këtij institucioni të rëndësishëm financiar ndërkombëtar dhe qeverisë shqiptare.

Qeveria e mëparshme ndërpreu rinovimin e vazhdueshëm të një marrëveshje bashkëpunimi, që nënshkruhej çdo tre vjet nga FMN dhe Banka e Shqipërisë dhe qeveria shqiptare. Por, në programin qeveritar është parashikuar një afrim i ri. Kjo do të hapte një mundësi financimi për shtetin shqiptar, i cili u la nga qeveria Berisha “në mëshirë” të bankave tregtare, që japin kredi me tarifa të larta.

FMN dhe Banka Botërore njihen për kreditim me terma të butë, me njëperiudhë disavjeçare gjatë së cilës nuk paguhet interes dhe kohëzgjatja e shlyerjes varjon nga 25 në 35 vjet.

Sa i përket buxhetit të vitit të ardhshëm, drafti përfundimtar pritet të dorëzohet në qeveri javen e parë të muajit dhjetor, gjithnjë pak ditë pas përfundimit të auditimit të financave publike nga kompania “Deloitte”.

Ndërkohë, ekspertë të FMN dhe BB të nivelit më të ulët prej kohësh ndodhen në Tiranë për të asistuar në hartimin e këtij buxheti.
 
Redaksia online
(ac/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

SHBA/ Dita e Falenderimeve, Trump uron amerikanët duke sulmuar demokratët: Gëzuar edhe ju që u përpoqët të shkatërronit vendin tonë

SHBA/ Dita e Falenderimeve, Trump uron amerikanët duke sulmuar demokratët: Gëzuar edhe ju që u përpoqët të shkatërronit vendin tonë

28 Nëntor, 16:30