POP 5

Lajmet më të lexuara të 5 minutave të fundit

Ekonomi

Buxheti i 2014, hyn taksa  progresive,
ndërhyrje në TVSH

Nisin përgatitjet, pritet auditi i “Deloitte”. Hyn taksa progresive, lëviz akciza
TIRANE- Ka nisur puna për përcaktimin e përparësive të buxhetit të shtetit për vitin e ardhshëm. Sipas burimeve nga ministria e Financave, mbi bazën e ndryshimeve të miratuara pak ditë më parë në buxhetin 2013, ka nisur hartimi i projekt-buxhetit të vitit të ardhshëm.

Ndërkohë, për “dorën e fundit” të draftit priten përfundimet e auditimit të financave publike nga kompania “Deloitte”, si dhe ardhja e një grupi ekspertësh nga FMN dhe BB për të analizuar situatën financiare në vend. Analiza e tyre pritet të fokusohet jo vetëm te buxheti, por edhe te hartimi i paketës fiskale që do të shoqërojë atë në Kuvend.

Pikat kyçe të “reformës” duhet të jenë taksimi progresiv, ndryshimi i regjimit të akcizës, por edhe ndërhyrje te TVSH-ja me shkallëzime të caktuara.  
Ekspertë të dy institucioneve financiare ndërkombëtare kanë këshilluar prej kohësh qeverinë shqiptare që të të jetë e kujdeshme në menaxhimin e financave publike, por edhe në hartimin e një buxheti sa më realist.

Vetëm pak ditë më parë Kuvendi miratoi një Akt Normativ, që mori me të drejta të plota fuqinë e ligjit, ku u ndryshuan treguesit fiskalë të buxhetit të këtij vitit. Sipas këtij Akti, të ardhurat, që ishin parashikuar nga qeveria e mëparshme në masën 360.6 miliardë lekë, do të kalojnë në vetëm 321.9 miliardë, një ulje që është diktuar nga performanca shumë e dobët e Tatimeve dhe Doganave gjatë 9 muajve të këtij viti.

Sa u përket shpenzimeve, pavarësisht nga ulja e ndjeshme e të ardhurave, ato qëndrojnë  të pa ndryshuara  në 405.4 miliardë lekë. Në këto kushte, sikurse është paralajmëruar gjatë gjithë këtyre ditëve, se deficiti buxhetor thuajse do të dyfishohet, duke kaluar nga afro 48.9 miliardë lekë, që parashikohej në ligjin fillestar të Buxhetit të Shtetit për vitin 2013, në 83.4 miliardë lekë.

Shkrimi u publikua sot (29.10.2013) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03