Buxheti për rivarrimin e Isa Boletinit
në Mitrovicë akordohet 50 mijë euro

Shuma e akorduar nga qeveria e Kosovës për rivarrimin e heroit Kombëtar Isa Boletini në Mitrovicë do të arrijë deri në 50 mijë euro.

Gjithashtu qeveria e Kosovës ka përcaktuar edhe datën se kur do të bëhet rivarrimi  i Heroit Kombëtar, Isa Boletini dhe është pikërisht në datën 28 nëntor dhe ky proçes do  të vij në kujdesin e veçantë të Kryeministrit në detyrë, Hashim Thaçi.  

Vërtetësia e eshtrave të Isa Boletinit u konfirmua në Strasburg, pas tre vitesh ekzaminimesh, me nismën e institucioneve vendore.

Me çështjen e ekzaminimit të tyre është marrë Arsim Gërxhaliu, drejtori i Departamentit të Mjekësisë Ligjore në kuadër të Ministrisë së Drejtësisë.

Identifikimi i tyre ka qenë një gëzim i madh për pasardhësit e heroit që banojnë në Boletin të Mitrovicës.



Redaksia Online
(xh.k/shqiptarja.com)