POP 5

Lajmet më të lexuara të 5 minutave të fundit

Politikë

Buxheti/ Rithemelimi paralajmëron të hënën bllokimin e seancës, Partia e Lirisë pa vendim! Meta: Opozita po mundohet të zhbllokojë parlamentarizmin

Kryetari i Partisë së Lirisë Ilir Meta e sheh të drejtë aksionin e opozitës për të bllokuar seancën plenare të së hënës dhe të së martës kur pritet të votohet buxheti, por nuk dha një përgjigje nëse deputetët e partisë së tij do të bëhen pjesë e kaosit të paralajmëruar

Kryetari i Partisë së Lirisë Ilir Meta e sheh të drejtë aksionin e opozitës për të bllokuar seancën plenare të së hënës dhe të së martës kur pritet të votohet buxheti, por nuk dha një përgjigje nëse deputetët e partisë së tij do të bëhen pjesë e kaosit të paralajmëruar.

Meta, në një konferencë për gazetarët, u shpreh se qeveria e ka kapur Parlamentin dhe e ka shndërruar në noter të saj.

“Nuk është opozita që e ka bllokuar Parlamentin, është qeveria ka kapur Parlamentin, e ka shndërruar në noter të saj që ka asgjësuar parlamentarizmin. Ajo që opozita po lufton është që Parlamenti të zhbllokohet të përmbushë funksionet e tij kushtetuese, kontrolluese ndaj qeverisë”, tha Ilir Meta.

Grupi i Rithemelimit nuk do të heqë dorë nga skenari i kaosit për të mos lejuar zhvillimin normal seancave parlamentare me pretendimin se po u mohohen të drejtat e opozitës. Gazment Bardhi deklaroi pak ditë më parë se opozita do të bllokojë seancën maratonë 2 ditore të datave 20 dhe 21 nëntor, ku Parlamenti do të shqyrtojë në parim projekt-buxhetin e 2024.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Siguria në plazhe këtë verë në krahasim me vitin e kaluar është?

Lajme të tjera



×

Lajmi i fundit

Helmimi i banorëve në Bulqizë, mjeku: S’kemi të bëjmë me ujin e pijshëm, rastet janë nga zona të ndryshme

Helmimi i banorëve në Bulqizë, mjeku: S’kemi të bëjmë me ujin e pijshëm, rastet janë nga zona të ndryshme

8 Korrik, 10:21