Receta

Byrek i hapur pa petë me presh nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 9 Janar, 11:27 | Përditesimi: 9 Janar, 11:29

Byrek i hapur pa petë me presh

Përbërësit:

Për bazën e brumit:

LEXO EDHE:
Patëllxhanë të skarës në vaj e spec djegës nga zonja Albana

240 gr miell
1 lugë kripë
1 e verdhë veze
120 gr gjalpë
1-2 lugë ujë

Për mbushjen:

1 kg presh
70 gr gjalpë
1 lgj miell
150-200 ml qumësht
1 e bardhë veze
3 lgj djathë i grirë
Kripë, piper

Përgatitja:

Përgatisim brumin fillimisht dhe e vendosim në frigorifer për 30 minuta. Qërojmë preshin dhe e presim në fetëza nga 2 mm, duke përdorur të gjithë pjesën e bardhë dhe vetëm fillimin e jeshiles. Në një tigan të madh tresim 50 gr gjalpë dhe kaurdisim preshin në flakë mesatare në të ulët për 15- 20 minuta, duke i trazuar herë pas here. Në minutat e fundit hedhim kripë e piper, sipas shijes. Në një tenxhere tretim gjalpin e mbetur dhe shtojmë miellin duke e lënë në flakë të ulët për 2 minuta dhe duke e përzier. Hedhim qumështin pak e nga pak, gjithmonë duke e përzier. Në 4-5 minuta do të përftojmë një beshamel kompakt. Rrahim në marengë të bardhën e vezës. Në një tas bashkojmë preshin, beshamelën, djathin, kripë e piper dhe në fund të bardhën e vezës, duke e sheshuar. Nxjerrim brumin nga frigoriferi, e hapim në tavë, vendosim përzierjen me presh dhe sheshojmë sipërfaqen. E spërkatim me pak djathë dhe e vendosim në furrë në 180 °C për 40 minuta.

MC/Shqiptarja.com

TAG:

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com