Byrek role me spinaq, karrota dhe proshutë

Përbërësit:

  • 3 petë byreku
  • 1 tufë e madhe spinaq
  • 3 karrota
  • Disa feta proshutë
  • Kripë, piper i zi
  • Vaj ulliri
  • 2-3 lugë kos
  • 1 e verdhë veze
  • Susam ose fara të tjera

Përgatitja:

Shtrini petën e parë dhe lyejeni mirë me vaj ulliri të trazuar me pak kos. Vendosni spinaqin sipër, shtoni kripë dhe piper. Vendosni petën tjetër sipër dhe lyejeni me vaj. Shtoni karrotat e grira, vendosni petën e fundit dhe shtoni fetat e proshutës. Rrotullojeni në formë roleje të gjatë. Priteni në copa rreth 2 gishta të trasha. Vendosini në tavë me letër furre. Lyejini sipër me të verdhë veze dhe spërkatini me fara susami. Piqeni byrekun në 180°C për rreth 40–45 minuta, derisa të marrë ngjyrë të artë.