Receta

Byrek sfoliat me spinaq nga zonja Albana/ Tepër i shijshëm, përgatitet në çast

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00

Redaksia 4 Korrik, 12:00 | Përditesimi: 4 Korrik, 12:02

Petë sfoliat me spinaq në furrë

Përbërësit:

1 petë sfoliat
1 qepë
250 gr spinaq
1 tufë koper
2 kokrra vezë
100 gr djathë i bardhë
100 gr djathë kaçkavall
150 ml qumësht
1 lgj miell
Vaj ulliri
Arrë moskat
Kripë, piper

Përgatitja:

LEXO EDHE:
Bakllava me kadaif dhe arra nga zonja Albana

Petën e sfoliatës e hapim në një tavë. Kaurdisim fillimisht në pak vaj ulliri qepën e grirë imët, më pas shtojmë spinaqin dhe sapo të ulet volumi hedhim pak kripë dhe miellin dhe e përziejmë me lugë druri. Shtojmë qumështin dhe erëzat, e trazojmë mirë dhe e largojmë nga zjarri. E lemë të ftohet pak dhe më pas shtojmë vezët, djathin dhe koperën. Këtë masë e shtrojmë mbi petën sfoljat, e mbulojmë sipërfaqen me djathë të grirë dhe e vendosim në furrë të parangrohur në temperaturën 200 gradë për 25 minuta.

MC/Shqiptarja.com

TAG: