Cakaj: Fokusi në çeljen e negociatave për anëtarësim të Shqipërisë dhe liberalizimin e vizave me Republikën e Kosovës

TIRANE- Ministri në Detyrë për Europën e Punët e Jashtme, Gent Cakaj, mori pjesë në mbledhjen e Ministrave të Jashtëm të vendeve të Vishegradit (V4) dhe Ballkanit Perëndimor, që u zhvillua në Pragë. 

Në takim edhe njëherë u përsërit mbështetja e vendeve të Vishegradit për perspektivën evropiane të Ballkanit Perëndimor, si dhe u konfirmua mbështetja për çeljen e negociatave për anëtarësimin e Shqipërisë në Bashkimin Evropian. Cakaj theksoi se në mbledhje parashtroi dy çështje kryesore lidhur me rajonin. 

Së pari, Cakaj u ndal në rëndësinë e çeljes së negociatave për anëtarësimin e Shqipërisë në Bashkimin Evropian. 

“Shqipëria, ashtu siç e ka konfirmuar deri më tani edhe Komisioni Evropian, ka përmbushur të gjitha kushtet e nevojshme për të filluar bisedimet e anëtarësimit. Miratimi i metodologjisë së re ka krijuar një momentum të ri politik brenda Bashkimit Evropian, i cili duhet shfrytëzuar gjithsesi”- u shpreh Cakaj. 

Së dyti, Cakaj theksoi domosdoshmërinë e liberalizimit të vizave me Republikën e Kosovës, pasi Kosova i ka plotësuar të gjitha kushtet e nevojshme për të siguruar lëvizjen e lirë. Kështu që çdo vonesë sipas tij, do të ishte e padrejtë. 

“Po ashtu, nënvizova se marrëveshja Kosovë-Serbi nuk duhet të përfundojë me asgjë më pak se njohja e ndërsjellë.” - përfundoi Cakaj reagimin e tij.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Vaksinim administratës e punonjësve të qendrave tregtare deri më 31 dhjetor dhe dozë e tretë për mbi 18-vjeçarët! Jeni dakord me vendimet e Komitetit?



×

Lajmi i fundit

John

Bujar Çela tallet me PD dhe publikon foton e Berishës me Enverin te grupi i Komisionit të Integrimit: Rroftë Partia! Demokratët: Provokim vulgar