/ATSH-AFP/ - Kryeministri britanik, David Cameron, deklaroi sot në Bruksel se do të qartësojë në fillim të muajit nëntor reformat që kërkon në mënyrë që vendi i tij të mos dalë nga Bashkimi Evropian.
"Ne do të diskutojmë për negociatat që kërkon Britania e Madhe, do të shqyrtojmë katër fushat kryesore në të cilat kemi nevojë për ndryshime, dhe do t'i paraqesim detajet e këtyre reformave në fillim të muajit nëntor", theksoi kryeministri britanik para fillimit të një mbledhjeje të krerëve të shteteve dhe qeverive të BE-së, që përqëndrohet në krizën e migracionit.
Cameron, i zgjedhur në maj, premtoi të organizoj deri në fund të vitit 2017 një referendum mbi qëndrimin ose jo të Britanisë së Madhe në BE.
Në këtë prespektivë, ai krkon disa reforma nga evropianët, duke i transformuar këto në një kusht për të bërë fushat për qëndrimin e Britanisë së Madhe në BE.