POP 5

Lajmet më të lexuara të 5 minutave të fundit

Ekonomi

Cannon: Crow Agents, kompani
me integritet dhe rezultate në rajon

Këtë ka theksuar ambasadori britanik në Shqipëri, Nicholas Cannon në një takim që ka pasur sot me drejtoreshën e Përgjithshme të Doganave, Elisa Spiropali.
Cannon: Crow Agents, kompani<br />me integritet dhe rezultate në rajon
TIRANË - “Crown Agents është kompani me integritet dhe me rezultate pune në vende të tjera të rajonit”. Këtë i ka theksuar ambasadori britanik në Shqipëri, Nicholas Cannon në një takim që ka pasur sot me drejtoreshën e Përgjithshme të Doganave, Elisa Spiropali.

Gjithashtu ai shprehu gatishmërinë për bashkëpunim të vazhdueshëm me Drejtorinë e Përgjithshme të Doganave. Dhe përgëzoi punën e kryer deri tani nga Administrata e re Doganore duke u shprehur: “Ne vlerësojmë institucionin e doganës si një nga më të rëndësishmit në vend për shkak të punës që kryen dhe peshës që mban aktualisht në sigurimin e tregtisë së ndershme. Ky institucion- shtoi ai- është i rëndësishëm për rritjen e investimeve të huaja në vend”.

Në këtë takim u vlerësua bashkëpunimi dhe marrëdhënia e ngushtë që ekziston mes Ambasadës Britanike dhe Administratës së Doganave Shqiptare. Drejtoresha e Përgjithshme falënderoi Cannon dhe shprehu besimin e saj të plotë për një bashkëpunim të suksesshëm.

Ndër të tjera Spiropali njohu Cannon me rezultatet e punës në këtë fund viti, me prioritetet e Administratës Doganore, por edhe me veprimet e ndërmarra për rritjen e të ardhurave për buxhetin e shtetit, për zbulimin e rasteve të evazionit fiskal si dhe vendosmërinë për të vepruar deri në ballafaqimin me ligjin të subjekteve dhe punonjësve abuzivë.

Znj. Spiropali theksoi rëndësinë e zhvillimit dhe modernizimit të Administratës Doganore, proces ky, i cili ka filluar, përmes implementimit të projekteve IPA dhe asistencës të bashkëpunëtorëve tanë. Gjithashtu- theksoi Spiropali- kemi intensifikuar marrëdhëniet me partnerët tanë strategjikë për rritjen e shkëmbimit të informacionit si një nga mënyrat më efikase për uljen e rasteve të evazionit fiskal.

Redaksia Online
(mag/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04